得10 蚊點過?平安夜慳食聖誕餐指南

文:
2014.12.23

慶祝聖誕係一件開心事,不過對於窮苦打工仔/學生哥嚟講,要喺年尾用一大筆錢慶祝,真係諗起都頭痕!想食個聖誕餐感受下節日氣氛,但又想慳得就慳可以點做?窮有窮過!聖誕餐慳錢指南幫到你!祝大家Merry Christmas!

食聖誕大餐當然要睇budget做人,如果年尾收到花紅/bonus嘅話,去酒店食自助餐、高級西餐廳食傳統聖誕大餐當然無問題。不過,一份普通不過嘅聖誕大餐閒閒地都$300-$400 (未計加一),窮苦書生點食得起…… 其實,好多餐廳都唔會特別打造聖誕菜式,一般只會利用聖誕gimmick賺一筆,例如將一隻雞叫做「聖誕燒雞」、將一杯fruit punch叫做「聖誕特飲」,最多喺碟邊杯邊加朵紅花,咁就比平時收貴一大截,好唔抵!要感受聖誕氣氛,唔需要「豪食」,亦唔需要朵紅花,慳慳地都可以做到!

如果有$100……

選擇其實有好多,你可以選擇出街食或者自己煮,好多連鎖快餐店同茶餐廳都有供應鐵板餐,有餐湯、主菜,甚至包埋甜品,唯一問題就係同平時鋸扒無咩分別!好好善用手上$100,同三五知己夾錢去文具鋪買包聖誕帽,5頂盛惠$15,戴住食飯,再加上餐廳不停重複Jingle Bell這首背景音樂,聖誕氣氛出哂嚟!同樣方法適用於自製聖誕大餐,只要加個香薰蠟燭,氣氛即刻變得浪漫。8點後先買餸煮飯更可以係超級市場買到平價貨,分分鐘仲有錢淨!

$100餐價目表
鐵板餐 / 超市特價牛扒: $50-80
香薰蠟燭: $20
聖誕帽: $3

如果有$50……

聖誕大餐唔一定要喺夜晚食,約情人或者大班朋友下晝野餐過聖誕都唔錯,每人準備一樣簡單而又應節嘅食物,例如薑餅人、聖誕布甸、意粉,$50應該仲可以買到支平價紅酒充撐一下場面,影相又靚,又有氣氛又飽肚!

$50餐價目表
平價紅酒: $30
零食/食物: $20
草地背景: $0

如果得$10……

 

唔使擔心,就算得十個大洋都唔需要食風,$10應該夠讓你坐車去鄰近的大型超級市場 (附美食廣場)!聖誕期間,超市會推出很多應節食品,並且供人試食,例如烤火雞、牛扒、香腸、聖誕布甸等等,你只要大大方方走進去,在每個攤檔前都「表現」到感興趣一面,熱心姐姐就會奉上熱辣辣應節美食,聖誕feel爆棚,祝你成功!

$10餐價目表
來回車費: $10
熱辣辣應節美食: $0


相關連結

> 2014年10大聖誕禮物精選-女生篇
> 2014年10大聖誕禮物精選-男生篇
> 男女生最不想收到的聖誕禮物一覽表
>【短片】不求人!實用包禮物大全

 

文: Cecilia 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓