[網轉熱文]《做過婚姻介紹中心,先明白有d女係傻架》(三)

文:
2015.01.14

>> 續上文《做過婚姻介紹中心,先明白有d女係傻架》(二)

佢喊,佢坐撚左係地下度喊 

臭系,佢都有今日啦 

但係有幾風流就有幾耐折墮,雖然我連風流都未風流過,第二日,Jolly又抄上黎公司,仲要指名搵我,我果下係認左命,我同你講,我果個moment既心情,係同係雨傘革命裡面果D話要去自首既人係一樣架

入到我office房,Jolly姐好冷靜,佢好平淡咁同我講,比果個人資料我 

咁我亦都好耐心咁同佢解釋,客人既資料呢,因為有關私隱,係唔可以比你既 

果下我真係豁左出去,告咪告囉,我都唔想煩,點知Jolly姐話佢原來已經問過律師,話傷人告唔入,不過咁,佢講左樣我真係諗都無諗過既野 

佢話佢要指名一對一約琴晚兜巴星柒佢既果位先生 

咁話說我地公司係可以有咁既要求,當然基本上都係最貴既plan先有架啦,咁仲要雙方都係join過同一個活動,即係見過面啦,仲要經我地問下對方有無興趣咁先得既 

Jolly姐咁樣講一講,佢老母系佢又真可以咁樣要求喎呀屌你老味呀我真係估唔到 

Jolly姐走左之後,咁打俾呀男神生,男神生基本上係match Jolly姐既要求既,除左學歷無咁高之外,點解呢,因為呀男神生呢,係從事呢個建築行業既 

咁我打俾佢,同佢講,話果晚果位同你有d掙執既女士想約你黎個單對單既約會,唔知你有無興趣呢 

咁呀男神生靜左幾秒,然後好霸氣咁講:好呀,驚系呀 

嘩,你老味,我真係呢世人未見過d咁撚豪邁粗獷既男人,我有理由相信,佢就係Jolly姐既真命天子,果個唯一可以馴服佢呢隻癲雞既男人中既男人 

我幫佢地約左係灣仔一間幾高級既餐廳,主要就貪佢比鄰呢個律敦治醫院啦(附24小時急症室) 

現場黎講呢火藥味就相當濃厚,而正如我好前面講過,係呢d私隱度高既單對單安排度,我地係會係確到雙方到左現場之後就撤退,而令我頗為欣慰既就係呢,係我走之前都係未有任何傷亡既 

之後發生既事其實唔係呃你,不過我就唔清楚,之不過果晚之後我就可以唔洗晚晚熄左電話先訓得著,lunch hour仲都終於可以食返餐安樂茶飯 

概半年之後啦,我就收到一張請帖既,一如大家所料啦,請帖係由男神生同Jolly姐發既。係佢地婚禮上面,我真係好開心,認真既,點解呢,其實做呢行呢, 見到每個臭西嫁得出,都有一種成功感而同時亦有一種好似老豆嫁女既感覺,係好窩心架其實,因為會覺得自己做左件好事令兩個人得到幸福,唉,諗起佢地可以有 情人終成眷屬我都有D眼濕濕

咁係講第二位奇女子之前呢,就容小弟講兩句感想

做野之後發覺,係工作既過程裡面,人同人係一定會有磨擦,同事好,老細好,客又好,呢個世界咁多人,個個性格唔撚同,邊會無火花呢?我話我憎唔憎Jolly姐?我係憎撚到佢仆街既,但只係因為工作上,我私人方面其實就唔會好憎佢,因為其實大家只要有機會去真正認識一個人,佢工作上可能係個仆街,但作為一個朋友,佢可以好到不得了,咁當然,都有好多工作上私人生活上都好仆街既人

話說後尾一兩年,每逢阿Jolly姐同男神生結婚紀念,我都會收到佢地嫁黎既禮物同佢地好撚sweet既相

男神生我認識唔深,我諗應該都係Jolly姐既主意,咁我會覺得佢係一個好長情既人,事實上佢一年都有一兩次黎探下我食個飯咁,當然啦,依家再見到佢個電話number打黎,我就無好似以前咁頭都痛鳩埋啦

(完)

文章刊出後迴響熱烈,因為作者稱 Jolly 姐是故事的第一個 Case,並指之後有更厲害客人,所以應該會續集 case 2 出現啊!

原文出自:http://forum1.hkgolden.com/view.aspx?type=LV&message=5611377&highlight_id=0&page=1

Follow >>UHK 港生活Facebook 專頁<< ,Case 2 一出話你知!

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓