大帽山睇到雪? 香港四個最有可能落雪地點

一股強烈寒潮襲港，歐美及日本氣象機構預測周日及下周一(即1月24至25日)香港氣溫會降至 0 °C，仲話有機會落雪。雖然香港天文台事後講明兩日不會落雪，預料當日市區氣溫 7 °C，部份地區最低只有 1 °C，高地氣溫更會低至冰點。

或者你會話：香港又點會落雪呀？你咁諗就錯，翻查天文台紀錄，香港原來真係有落過雪架！根據香港天文台的《冰雪蓋香江》氣象冷知識節目，1893年1月18日香港氣溫曾低至 0.0 °C ，香港植物公園（現名為香港動植物公園）、太平山頂及當時往來香港至廣州的蒸氣輪船上，分別錄得 - 0.6 °C 、- 4 °C  及 - 2 至- 3 °C ，其中太平山、大帽山及大嶼山一帶山頭更鋪上一層白雪。

另外回顧香港天文台過去近六十年觀測報告，香港有4次出現霧淞及下雪的報告，大多在大帽山近山頂位置發現有雪花及雪粒。

雖然天文台話「不會下雪」，但仍可抱住一絲希望到以下的高地，或有可能看到「結霜」、「冰粒」，甚至如外國天氣機構所指的「雪」：

1. 大帽山

2. 飛鵝山

3. 太平山

4. 大嶼山一帶山頭(如大東山、鳳凰山等)

如打算上山，記得注意保暖，冷親就唔好啦！

資料來源：hkweather「冰雪蓋香江」短片