熱愛優質生活
首頁   \   港熱話   \   你份糧包唔包埋陪笑?

你份糧包唔包埋陪笑?

2016.02.04

 文:抒文

圖:gnavi.jp

一直認為公司出得份糧比你,5成係俾你做嘢人工,4成係要俾你嚟受氣。你可能會問仲有1成係咩?其他公司唔知,我哋公司就一定係陪老闆笑。

其實陪笑都有學問,最低層次是皮笑肉不笑,最高層次是順著老闆的口吻,好讓他/她儘快把話說完,好替眾生脫離困境。

尤其當你的老闆是一個開show off又喜歡說黃色笑話的人。

有一次,老闆主動請食飯,「皇恩浩蕩」,不出席就是不賞面。帶飯的、約了飯腳的,紛紛跟著老闆出發。

吃飯時,老闆說出了第一句說話「大家都知道公司有一個大客黎緊會落一連串廣告啦,不過大家又知唔知,其實之前係差D傾唔成?」

大家都點頭表示知道。

「其實係我幫公司挽返黎。」先是一個show off。
我們故作驚訝「點樣挽返黎?」

「當時氣氛其實好彊下,咁岩我哋喺公司天台,佢想吐痰,當佢正準備吐落花槽既時候,我靈機一動,同佢講:你咁樣分分鐘『痰花一現』。就係咁樣一笑,輕鬆化解左彊局。」說罷他開始大笑。

我們立刻打了個眼色,好像說「講呢D唔係想我哋笑啊……」,心裡說不,但是我們仍然送上假笑,稱呼一句「老闆英明」。

誰知他見我們反應「熱烈」,以為是得到欣賞,自鳴得意,又開始另一個故事。

這是一個關於他居住地方的故事,他是業主立案法團的主席。

他說「有一次我既鄰居投訴隔壁新住戶半夜嘈吵,請求我幫佢處理,於是我寫了一份通告,貼在大廈的電梯裡:『親愛的鄰居,你跟你老公的感情很好,我們大家都已經知道了,希望你能注意下你幸福的吶喊,畢竟我們樓宇的隔音效果太差了,家中幼兒已被你多次吵醒,問: 這個阿姨怎麼又挨打了,孩子畢竟不知道怎麼回事,大家都是成年人,希望大家能夠互相理解。』做主席真係寫咩都有人睇。」說完還露出猥瑣的微笑。

我和同事都覺得受不了,打了個眼色,立刻有勇士主動送上笑容,補充一句讚賞「老闆反應敏捷。」來打圓場。

然後透過「返去做野」為由,我們謝過老闆,快速逃離現場。

在餐廳的門口。
「佢真係好鬼核突,成日講咸濕野,又鍾意認叻!」
「咪係囉,今時今日,陪笑真係辛苦。」

看來,真說話,永遠在老闆的背後才會聽到。

 

本篇圖文獲作者抒文授權刊登,未經准許,請勿轉載!

抒文 Facebook:https://www.facebook.com/sharefeeling2015/

 

內容評分
評語