文: 有心無默
我地成班朋友都好羨慕A君，平均唔夠三個月就會喺instagram見到佢同女朋友嘅甜蜜合照。有次聚會忍唔住
問佢有咩秘訣，佢一開始先回應：「咩呀，你地都做到架。」B君聽完，即刻化身成辣蟹老闆爆咗句：「那有錢，你老母！」
原來，A君之所以去旅行去得咁爽，除咗因為識得善用假期。更重要嘅，係佢有一位好鍾意窮遊嘅女朋友。從無話過要玩好買好食好，帶個大背囊就可以陪佢走遍世界各地。
追問細節，A君先講機票，佢地搵廉航嘅能力早已經去到爐火純青嘅境界，有次兩個人去韓國機票錢加埋都唔洗一千蚊。記得有次A君喺機上面忍唔住問佢女朋友：
「其實妳唔怕會辛苦咩？又凌晨機座位又窄…」
「點會喎？換個角度睇，其實凌晨機仲賺返唔少時間啦，仲慳埋一日嘅住宿錢添！至於座位窄…其實親蜜啲咪仲好！」女朋友笑住講。
唔…齋聽已經覺得個畫面非常令人眼怨。
問到「住宿」方面。A君同佢女朋友都係完全唔介意住Hostel（佢地當初都係喺Hostel到認識），甚至做過背包客住人地屋企。對佢地嚟講，呢種都係非常難得嘅體驗…
「好似有次喺大阪Hostel識到個由米沢市嚟嘅朋友。佢為咗發展，不惜離鄉別井同父母仲有相識好耐嘅朋友分開。雖然大家都仲喺日本，但唔係好似我地新界出港島咁，要再見絕對唔係一件易事，所以佢地更加珍惜每次見面嘅機會。當刻我先真正感受到作為香港人其實係幾幸福。呢種人同人、文化同文化之間嘅交流，俾到我同女朋友好多新啟發。」
接著講到行程，窮遊一樣有窮遊嘅獨特玩法。
交通，佢地試過踩單車、喺歐洲甚至試過截順風車；
玩，佢地試過牽住手漫無目的咁穿梳大街小巷，感受最純粹嘅生活文化、又試專程去啲偏遠少少嘅地方睇節日慶典、甚或簡簡單單坐喺海邊仰望異地星空；
至於食，更加無咩計算，行到邊食到邊，偶有驚喜，中伏亦係一種樂趣。有時，仲會自己買食材返Hostel兩個人玩下煮飯仔…
越聽越覺得佢地兩個好幸福。講到最後，A君咁樣補充：
「但其實講到尾，窮遊定豪玩從來都係豐儉由人，無話咩高低之分，最重要係同另一半夾到。『兩個人嘅旅行，兩倍多嘅樂趣』我女朋友成日都將呢句說話掛喺口邊。」
猶如人生贏家一樣結束呢個話題。終於，一直沉默嘅C君忍唔住爆咗句：
「首先，我要有一個女朋友……」
老老實實，無話一定要窮遊嘅。
遇到個鍾意去旅行嘅另一半，已經係一件好幸福嘅事。
本篇圖文獲作者有心無默授權刊登，未經准許，請勿轉載！
有心無默 Facebook：https://www.facebook.com/Echo.of.Heart/?fref=photo
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
