文： 有心 無默
人越大，對過去嘅記憶開始變得越來越模糊，唔係想留就留得住。有趣嘅係，每當我聽返 周杰倫 嘅舊歌，腦海裡面都會閃過一啲舊陣時嘅片段。周杰倫嘅歌就係有咁嘅魔力，每一首歌都好似係代表著一段往事。
《星晴》令我諗返起嗰晚行沙灘，我同你肩並肩手貼手，每次指尖觸碰嘅一瞬間都會有種心跳加速嘅感覺，當時我地嘅世界真係好單純。
「手牽手 一步兩步三步四步 望著天」─《星晴》
「愛能不能夠永遠單純沒有悲哀」─《簡單愛》
每次下雨天聽返《晴天》，都總會記返起放學同你撐同一把遮擋雨嘅日子，當年嘅黃雨又點會好似而家咁誇張？《開不了口》彷彿將我帶返去同你告白嗰一幕。《妳聽得到》當時每晚都會打電話同你促膝長談，而家諗返，彷彿仲可以聽到你嗰邊背景聲傳嚟周杰倫嘅歌，仲有你隻貓嘅喵嗚聲。
「妳對我有多重要 我後悔沒 讓妳知道」─《開不了口》
「堅持學單純的小孩 我捨不得離開」─《妳聽得到》
然而快樂嘅日子總係唔長久。《安靜》令我記返起最後嗰段日子，若果嗰次嗌交我地唔係堅持自己無錯，唔係以沉默為終結。又或者上天俾個機會我返到過去向你道歉，可能結局就會變得唔一樣？
「我會學著放棄你 是因為我太愛你」─《安靜》
「想回到過去 試著讓故事繼續 至少不再讓妳離我而去」─《回到過去》
好慶幸自己經歷過周杰倫嘅全盛時期，嗰陣佢嘅歌可以話係每個人嘅共同語言。不論男女，就算經歷唔一樣，背後都總係存在著佢嘅歌。
時光匆匆數十載，而家再聽返，會發現已經唔再係一首歌咁簡單。熟悉嘅旋律同歌詞裡面，原來盛載著一段段珍貴嘅回憶。
本篇圖文獲作者有心 無默授權刊登，未經准許，請勿轉載！
有心 無默 Facebook：https://www.facebook.com/Echo.of.Heart/
作者其他文章：
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
