自從Viu TV開台之後，市民睇電視就多了一個選擇，TVB的確被Viu TV搶了不少收視，在自己台的節目就當然不可以為對家賣廣告，好似月初韓國男神宋仲基同女神宋慧喬襲港，為劇集《太陽的後裔》造勢，TVB隻字不提，梗係啦，套劇係Viu TV開台重頭劇，就當然唔講得啦！
近日TVB的《娛樂頭條》中播出劉嘉玲於內地活動的圍訪，叫得做「圍訪」，即是有多間傳媒一起做訪問，嘉玲被大堆咪牌所包圍實屬正常，除了TVB娛樂新聞台的咪牌，大家仲可以清楚見到其他內地傳媒咪牌，好似左邊有樂視、騰訊、優酷，右邊有東星、土豆、風行等，不過有網民就發現云云咪牌之中竟然出現一團「藍色不明物」，到底係咩嚟？
網友即刻「名偵探柯南」上身，睇埋Viu TV《十五分鐘熱度》所播出相同的訪問片段，就發現原來「藍色不明物」的正體其實係Viu TV咪牌，不過喺TVB版本中就「被消失」了，與此同時，Viu TV的片段則大大方方出現了TVB的咪牌，對於這個「消失的咪牌」的做法，不少網民就笑指TVB因為感受到威脅才有此一著，又笑言此舉未免顯得小器，大家又點睇呢？
其他精彩熱話：
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
