有極品港女、仲有人偷飯盒！Viutv情侶慳錢真人騷　網民勁讚好笑

ViuTV播完《跟住矛盾去旅行》，接檔的情侶慳錢真人騷《慳D啦Honey》亦獲得不少好評。4對素人情侶只得$1000，住10日鬼屋兼面對不同考驗，勝出隊伍可以獨嬴10萬獎金！第一集剛播出，由出發到買食物已經睇出4對情侶的性格，不少網友睇完都大讚好睇又好笑！

情趣用品店甜蜜夫妻　－ Picco和Vera

 
Picco和Vera一齊開情趣用品店，感覺甜蜜又合拍。Vera為勝出可以唔要面子，請老闆又買又送，用少少錢買到勁多食物，連老公Picco都話勁！

食腦dancer情侶－Rachel + 健健

 
Rachel同健健一樣係dancer，活潑又好動。即使男朋友口花又貪玩，Rachel十分遷就健健！呢對情侶勝在食腦又古惑，周圍問人攞錢，番到「屋企」先偷工作人員的飯盒，再計劃偷Picco夫婦嘅雞蛋，勁搞笑！

浪遊夫妻 －　Panpan + 啊文


Pan Pan係個跟得太太，阿文則係個大細路，睇落有少少似媽媽湊仔。一開頭買食物用得最多錢，除咗買麵包、米及麪，仲買齊食油及豉油等調味料，自用之餘亦可賣俾其他情侶，去過400幾天浪遊，果然經驗十足！
>>> 想知Panpan同啊文之前浪遊去過，可以睇睇佢哋之前寫嘅浪遊blog！

港女配港男　－ Edwin與Crushy

 
 
Edwin與Crushy壓軸出場，一開頭已經見到二人因為買袋鬧交冷戰兼遲大到。買食物期間二人不停互串，Crushy又多番黑面，難怪有網民稱為「極品」！

睇完第一集，唔少網民都大讚好睇，每對情侶都好有特色，有睇嘅朋友又覺得點呢？

來源：節目擷圖、fb@viutv