仲記得你生日同電話號碼嘅，先係真正嘅朋友

文：熱豆腐仔

經過年月洗禮，仲記得你生日同電話號碼嘅朋友，先係真正嘅友情測試。真係同你FD嘅，唔洗睇都會記得！


話說有一次電話無電，但已經約咗朋友出嚟，而等咗好耐都仲未見佢

本身我真係想問人借電話用，但又怕人地當我「警訊騙案」！

「嗰到咪有電話亭囉！」


無謂自己柒，所以我都係去咗電話亭打電話


就喺放低一蚊嘅時候，我望住啲數字鍵，先發覺唔記得對方咩號碼…

諗咗一輪，都係放棄！


好彩嘅係我同佢有共同朋友，於是我打咗俾另一個FD，叫佢幫我手…

其實諗番真係好尷尬，成件事就好似直接同人地講
我係無記低你啲嘢架～



或者自從科技發達，呢啲資料似乎都唔需要再用腦去記住～

你用手機一search就會乜都有，就好似對方生日..都可以靠社交平台睇到


記得有次成班朋友講開「生日優惠」，無啦啦其中一個朋友問

「自助餐有優惠喎！我地嚟緊最快邊個生日呀？」

「應該阿峰囉～佢XX月XX日嘛！」

「哇勁喎！你記得我生日！」

呢個時候真係會感動流涕，喊出嚟！


但其實好老實尷尬咁講，你自己都未必記得對方生日…


或者依家呢個年代，網絡世界嘅發達真係令人方便好多

就好似朋友生日咁，好多時候喺facebook都會有提示，就算miss咗，你總會見到對方upload「生日相」而記得對方生日

然後先如夢初醒咁傳一個訊息、留一個言


「生日快樂呀～～～」

係大家真係都咁忙？定還是根本無記過..


反之仲係小學時代，嗰陣手提電話仲未普及，加上小學雞根本無錢買手機，所以好多時朋友嘅聯絡資料都係用手寫「通訊錄」去記低，包括生日同對方屋企電話~

如果會成日聯絡嘅，其實不知不覺就會記底咗佢嘅電話，而嗰時仲未有facebook嘅出現，但唔知點解，你又會記得對方生日


或者，呢個就係其中一個友情考驗。



如果有一日，你突然問朋友記唔記得自己生日
而佢又真係答到嘅，呢個朋友真係要錫佢一啖～　
(唔記得就咬佢一啖)


咁情侶之間呢？
如果你嘅另一半都唔記唔你啲嘅，咁你識做啦～　(咬！)


大家得閒都可以同身邊嘅人玩吓～:)

本篇圖文獲作者熱豆腐仔授權刊登，未經准許，請勿轉載！

熱豆腐仔 Facebook: https://www.facebook.com/hothottofu/

作者的其他文章：

>> 你估淨係情侶先會呷醋？朋友之間一樣會！

>> 拍拖耐咗，有時當女朋友好似工人咁老馮幫我