網上瘋傳「公開戀情」　小儀：多謝賜個余文樂畀我！

昨晚在Facebook瘋傳DJ阮小儀同型男余文樂「公開戀情」的文章，連內地微博亦被洗版，雖然文章言之鑿鑿，但今朝男主角樂仔就已經在Instagram澄清事實，否認傳聞，而另一邊廂，小儀於今早主持電台節目亦有談及此則新聞，雖然同樣作出否認，不過就毫不避忌表示同樂仔傳緋聞係「執到」。

小儀表示自己都是昨晚收到朋友message才知道有此報導，原本打算一笑置之，沒想到文章越傳越盛，連鮮有聯絡的朋友都特地向她查證消息，小儀在節目中搞笑咁話：「我覺得呢單新聞好好笑，我要多謝佢賜個余文樂畀我。」

之後，她又指自己跟樂仔本身都認識，但唔算相熟，私底下並無交往，被主持拍檔問到如果樂仔真係向自己表白又接唔接受，小儀就爽快表示：「我真係流晒口水，得，絕對得！」

對於樂仔於IG上提到：「小儀如果我過幾年都找不到對象的話，我們就真的在一起吧！」小儀就話唔使過多幾年，就依家啦！