大家睇奧運，除了睇到刺激的比賽，有時都不乏娛樂性，例如會大家可能會留意運動員之中有無俊男美女，又甚至會唔會有天生明星相的運動員，近日台灣歌手羅志祥（小豬）就在微博上載自己「參加」奧運女子舉重項目的電視畫面截圖，他說：「我說過我是一個力氣很大的人⋯⋯」唔通小豬喬裝參賽？其實圖中人只是泰國女子舉重運動員Sopita Tanasa，相信是角度問題，加上同小豬一樣有明顯的眼袋，令兩人驟眼睇十足餅印！
其實舉重界仲有「女版陳奕迅」，早於前年仁川亞運，來自台灣的舉重選手林子琦除了因為勇奪金牌成名，她更因為貌似Eason而備受關注，連Eason都忍唔住模仿她舉重的神態，林子琦今屆奧運都會出戰女子63公斤級舉重項目，唔知Eason會唔會為佢打氣呢？
另外，射箭界都可以搵到一些明星撞樣運動員，有網友就發現美國選手Brady Ellison比賽的樣子竟然同奧斯卡影帝李安納度狄卡比奧非常相似，本身肥肥地的Brady同現時稍為發福的李安納度真係似足孖生兄弟。
射箭界仲可以搵到「韓版谷德昭」金優鎮（譯音），他昨日在個人賽上打破世界紀錄攞金牌，認真威水！而射箭銀牌得主美國的Zach Garrett就被網友指貌似吳奇隆。
此外，在男子游泳4X100自由式出師不利的中國隊中，大家除了關注「小鮮肉」寧澤濤，他的隊友余賀新就被網友指和近年在內地發展的陳偉霆撞樣。
▼即睇更多健康資訊▼
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
