回應2018開騷傳聞!Sammi尾場古仔開金口唱《當年情》

文: 王庭芝
2016.09.26

天后鄭秀文(Sammi)8場紅館演唱會已經順利結束,Sammi演唱會每一場都請來不同的圈中型男好友擔任嘉賓,而昨晚尾場嘉賓就有曾經多次於電影合作的古天樂,當古仔一出場全場粉絲都即時起哄,古仔除了跟Sammi吹水搞gag,更加罕有開金口獻唱!

圖:FB@鄭秀文

圖:IG@sammi_chengsauman

圖:FB@古天樂

古仔初時表示自己唔搞楝篤笑,只會楝篤企,Sammi當然詐型,此時古仔忽然問知唔知點解會接受邀請做Sammi個唱嘉賓唔托手踭,Sammi就說:「因為你要飛嘛,你同我攞8張飛!」古仔又提到近日網上流傳他將於2018年開演唱會的消息,疑似古仔個唱poster更被網友瘋傳,古仔就趁機澄清:「我好肯定咁同大家講,係絕對無咁嘅事!大家唔好打電話嚟問我攞飛!」想睇古仔開演唱會的朋友,可能要令你們失望喇!

(影片來源Youtube,如遭刪除請見諒。)

 

澄清誤會後,Sammi咬住古仔唔放,着他一定要唱歌,又提議唱《Boyfriend》,現場有不少觀眾則即時高呼古仔昔日代表作《今期流行》,不過古仔似乎想極力避開唱歌環節,竟主動提出邀請現場觀眾上台自拍了事,雖然古仔man爆抱起觀眾上台自拍,Sammi就笑言:「下次揀個200磅嘅,睇你點『的』上台!」而古仔始終敵不過觀眾熱情,最後都開口唱《當年情》,炒熱全場氣氛!

(影片來源Youtube,如遭刪除請見諒。)

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓