你呃細路！十個阿媽由細呃到你大的大話

1. 食蔥會聰明

很多小朋友偏食，特別是怕蔥的味道，為了令小孩肯食蔥，媽媽餐餐飯都會話：「食多Ｄ蔥大個就會變得聰明Ｄ！」大家又有沒有被媽媽呃到肯乖乖食蔥呢？

2. 利是儲起大個俾返你

過新年最開心莫過於拜年逗利是，不過小時候逗完的利是都要上繳給爸爸媽媽，當然爸爸媽媽會話：「幫你儲起大個俾返你」，不過又有幾多人真是拎得返呢？

3. 吞西瓜核頭頂會生一棵樹

西瓜核是西瓜的種子，小時候食西瓜吞了西瓜核，媽媽就會嚇你話遲下頭頂就會生出一棵樹，不過多數小朋友都不會被嚇到，反而非常開心，期待頭頂生樹！

4. 剩飯粒會嫁／娶個豆皮佬（婆）

小朋友食飯無耐性，想快快食完去玩，所以多數不會食得乾乾淨淨，食剩幾粒飯，屋企人一定會話「食剩飯粒第時就會會嫁／娶個豆皮婆（佬），食剩愈多將來伴侶就愈多豆皮」，不過小朋友一於懶理，玩大過天嘛！

5. 講大話會甩大牙

大人為了令小朋友不講大話，就用「講大話會甩大牙」來嚇小朋友，但是明明這個都是一個大話！

6.曳會被警察叔叔拉

就算你無聽過，都總會在街上聽到一些大人對付曳的小朋友時話「再曳就叫警察叔叔拉你」，不過如果曳都要出動警察，警察應該會好忙，甚至告你阻差辦工！

7. 石頭爆出來／在門口執返嚟／總知在「嗰到」生出來

小朋友一定有問過家人自己在邊到嚟，然後屋企人就會話你知你是從石頭爆出來或者在門口執返嚟，再追問下去家人先會認真小小答你總知在「嗰到」生出來，總知就不會認真解釋啦！

8. 食香口膠會痴實條腸

小時候邊玩邊食香口膠特別容易將香口膠吞落肚，有一次吞落肚後媽媽話香口膠會痴實條腸出唔返嚟，嚇得不停追問媽媽自己是不是要死了！

9. 世上有聖誕老人

小朋友過聖誕節都問屋企人到底世上有沒有聖誕老人，當然屋企人一定答有，但當小朋友看著外面期待看到聖誕老人坐著鹿在天上走過，媽媽就會告訴你要睡著了聖誕老人才會出現來哄我們睡。

10. 生日切蛋糕切到落底就會嫁不出

這個大話講多變真，直到現在仍然有很多壽星女生日時不敢切蛋糕切到落底，畢竟女生都怕嫁不出！