辦公室唔搞政治搞party!《今個聖誕無銀用》12月爆笑上映

文: 王庭芝
2016.11.28

《醉爆伴郎團》幕後班底今個聖誕最爆笑抵死之作,今次唔係反轉婚禮現場,而係反轉辦公室!呢個party要幾癲有幾癲,要幾喪有幾喪!唱歌跳舞好基本,啪丸隊酒都係濕濕碎,仲要剝衫剝褲大搞不文笑話!《呢班波士仲抵死》爆笑組合─金球視帝積遜比曼(Jason Bateman)同視后珍妮花安妮絲頓(Jennifer Aniston)都嚟踩場鬥戲,唔知又會搞出咩大頭佛呢?仲有《變種特攻:天啟滅世戰》(X-Men: Apocalypse)索女奧莉花美恩(Olivia Munn)、《死侍:不死現身》(Deadpool)T.J.米拿(T.J. Miller)、《捉鬼敢死隊》(Ghostbusters)姬蒂麥潔諾(Kate McKinnon)……一班數唔晒嘅好同事,同你玩轉聖誕節!

 

故事簡介:

分店生意不濟,CEO話再無起色就要關門大吉。眼見同事個個擔心份工不保,身為經理又點能夠坐以待斃?於是佢諗出一條絕世撲水好橋,就係喺公司搞番個聖誕派對,仲搵埋潛在大客一齊狂歡,安撫下屬之餘,話唔定同大客飲飽食醉吹夠水,生意就會自動上門。點知人算不如天算,一切出乎佢意料之外……《呢班波士仲抵死》爆笑組合:金球視帝積遜比曼同視后珍妮花安妮絲頓率先同你過聖誕!

上映日期:12月8日 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓