真PK、一帶一路都無得留低!《晚吹》周三起換新陣容

文: 9527
2017.02.06

ViuTV開台接近一年,雖然被指後勁不繼,但確實為電視界帶來新選擇新衝擊。開台節目之一《晚吹》第一季正式完結,本周三起轉換全新布景錄影,一齊重溫經典環節同預先睇新節目內容!

以下三個節目都無得留低:
《真PK》

 
以變態、核突同重口味殺出名堂,飲老鼠酒屬小兒科,吮腳趾、四驅車爆袋、「口趙」口水香口膠甚至裸跑,講得出的重口味懲罰幾乎都玩過。
  
雖然後期改玩法後有讚有彈,有說女嘉賓玩得唔夠放,但主持人KB火火用生命做節目,抵《真PK》成為年輕觀眾至愛節目之一!

《一大一路》

 
嘉賓位位重量級,運動員、藝人甚至政界人物都有。由充滿童真的小朋友發問,除了每次問「你幾錢人工」,每集總有幾條問你唔到的問題,有無朋友同小編一樣覺得小主持Alvin仔好醒?


《總有一隻係左近》
開頭由蘭子主持講娛樂內幕,初期好有爆點,有集被指「賤男」的周永恆於錄影中間發脾氣,爆粗兼劈炮罷拍。

年中轉型為靈異清談節目,由鬼王潘紹聰、阿妹同小占主持齊齊講鬼故,靈異一路都有班擁躉,可惜做大半年就要完。
 

 

飛走3個舊節目換入2個新節目,淨睇介紹都幾吸引!

《書到用時》

  
兩個才子合作當然同書有關。王貽興同劉翁今次在節目內,並非介紹新書,而是一個長知識的節目。他們每集都會挑選一本工具書,去學習一門新的技術,然後進行對戰。


《男人講嘢》


男人講嘢真係女人唔俾駁咀?主持阿Thor與鄒凱光及阿檸和會以男士角度作討論個女性行為或性格,讓觀眾了解同一件事,男女觀點有何不同,細訴港男心聲。

 

 

保留節目

題材大膽的成人向節目《啪啪聲,太好聽》繼續有得留得,同觀眾拆解性愛疑難,吹盡初夜、多P甚至偷食等等破格議題。

 


而元老節目《又要威 又要戴頭盔》亦有得留低,繼續戴住頭盔爆各行秘密。

《晚吹 -書到用時》 星期三晚 11:00
《晚吹 - 又要威又要戴頭盔》星期四晚 11:00
《晚吹 - 總有一件喺左近》星期五晚 11:00
《晚吹 - 男人講嘢》星期六晚 11:30
《晚吹 - 啪啪聲 太好聽》星期日晚 11:30 


來源:ViuTV

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓