熱愛優質生活
首頁   \   行山熱話   \   港人自發上山執走5大袋垃圾 遇Warm爆的士司機免費車垃圾落山

港人自發上山執走5大袋垃圾 遇Warm爆的士司機免費車垃圾落山

2017.03.16

近年行山愈來愈受歡迎,親親大自然雖是好事,但可惜的是不少行山人士因為找不到垃圾桶而在山野亂拋垃圾。提提大家,行山是不少都市人找一個喘息空間的地方,不想郊野變成另一個堆填區,行山時記得自己垃圾自己帶走,保護郊野人人有責。

有山友在Facebook撰文,表示自發上飛鵝山道執垃圾,行到中途已經執了五大袋垃圾,幸好遇上熱心的士司機,毫不猶豫就幫忙載所有垃圾下山。

原文:

一直以黎我都係一個非常掘強既人,唔到死既一刻我都唔會要求人幫手,但隨著個人經歷(即係奶野次數)愈多,慢慢領悟到其實比個機會人地幫你都係一種福氣黎

就好似今日咁,同連師兄上飛鵝山道執垃圾,未到觀景台已經執到爆晒,五大袋垃圾,心諗陣間拎落山一定好甘甘

呢個時候,眼前出現一架停泊左係路邊既的士,我就膽粗粗咁問司機哥哥可唔可以幫我地車兩袋垃圾落山掉,佢答可以呀,仲即刻落車幫手。當我揀緊最乾淨果兩袋垃圾既時候,佢話放晒上去啦!嘩,warm到呢

放晒垃圾上車,捉左司機哥哥黎一張開心自拍,道別完我地就繼續沿馬路上山,準備行東山西脊落扎山道,行左陣,司機哥哥又出現,原來佢專登掉頭黎問我地執到幾時,洗唔洗坐佢車落山,真係感動死人

因為我地想行落山,所以就無坐到司機哥哥車,真係好多謝呢位司機哥哥,佢叫做凌政雄,車牌UN 3260,大家多多幫襯 

港人自發上山執走5大袋垃圾 遇Warm爆的士司機免費車垃圾落山港人自發上山執走5大袋垃圾 遇Warm爆的士司機免費車垃圾落山港人自發上山執走5大袋垃圾 遇Warm爆的士司機免費車垃圾落山

不少網民都大讚山友自發執垃圾和的士司機的仗義行為,而隨便拋垃圾的人需要自我反省!

港人自發上山執走5大袋垃圾 遇Warm爆的士司機免費車垃圾落山

資料及相片來源:FB@發記行山授權轉載 

HK 港生活 APP 登場!
Android 版:立即下載
IOS 版:立即下載

Follow us:
即like UHK 港生活facebook, 追蹤城中大小熱話;
Instagram: @ulifestylehk

全情投入港生活3周年!超級巨獎Sss一齊FUN!>進入遊戲專區<
內容評分
評語