揾畢業生剪片嫌貴走數 地產經紀：試衫唔滿意都可以唔俾錢

或者設計師同藝術家特別好呃，而門外人又覺得設計「畫幾筆」、「按幾個製」就完成，令出低價買藝術等揾笨事件於網上老是常出現。近日又有初出茅廬的畢業生於網上撰文，指接到現任職地產經紀的舊同事邀約製作樓盤介紹影片，完成後慘被走數$3000，白費多日心血！

  圖：flickr@uberoffice

事緣今個月初，該畢業生的前同事以whatsapp邀約幫忙剪片，雖然明知freelancer工作只靠口頭承諾風險大，又無保障，但事主表示「見佢係我舊同事，搵得我點都要俾個面幫下手。」
 

第一次見面傾談影片細節，地產經紀已經臨時改地點兼遲到，直接兩、三條佢之前剪的影片事主睇，事主轉述他的說話指「知我大學『讀剪片』，想用我啲知識同技術去整比佢更好嘅片。」然後事主提出收費為$1000/1 min，雙方都同樣默認呢個價錢準則。雖然經紀提出若果「信唔過佢」可以先付$3000酬勞，但初出茅廬的事主話「唔敢收」，表示做完先收錢。
   
當晚事主立搵下唔同介紹樓盤嘅片黎睇下作參考，再整好一條demo「俾佢試睇」，而對方亦大致滿意。之後事主再提出新嘅建議令影片更吸引，但一直不獲回覆。
 

之後數天事主相約見面亦被經紀以工作忙碌為由推搪。

 
直至21日，經紀表示唔再需要事主繼續幫忙，仲諗住用$300就打發我走，事主表示「聽到我眼都突埋！」，雙方繼續理論，事主表示就算唔滿意條片，都要根據當初定落嘅價錢準則俾錢。最後經紀同事主講「Hea著咁應承我會俾$3000」

之後一直未收到錢，事主再次聯絡對方，對方「一毫子都唔想俾」，仲用「試衫論」反駁，話「試完衫唔滿意嘅話可以唔駛俾錢」，又話$1000/1 min係「天價」，該經紀認為一段幾分鐘片只值幾百蚊，將片剪接埋一齊再加返條音樂落去就搞掂。

事主繼續計數，指「如果佢一條片淨係俾$300，粗略估算一條片我需要約20 hrs完成，咁我時薪咪得返($300/20=)$15/1 hr？」，明顯有搵笨之嫌。

來源：事主Facebook