有追開《降魔的》的觀眾就知道,這套劇集的鋪排明顯比其他TVB劇集好,早在第11集時,馬季發現金剛與小儀是親生父母時,就被不少觀眾大讚伏線留得靚。 去到大結局,最後一幕馬國明重遇到胡鴻鈞,但二人只有3句對白,留下不少想像空間。到底是一個開放式的結局,抑或是為拍續集留下伏線?其實除了呢一幕,《降魔的》仲有多個疑團未解!
1. 芷若到底記得幾多嘢?
馬明去決一死戰之前,見了芷若最後一面,仲突然錫了芷若,呢個時候芷若終於浮起少少在鬼域的畫面。但到底芷若點解一直都唔記得在鬼域發生的事?芷若有無曾經被魔的力量影響?
2. 展明真喺死咗?
馬季在魔製造的封閉空間殺死展明,但回到現實嘟嘟Sir只提到展明是無心跳和暈低,正在搶救中。鏡頭一轉就回到馬季在家中與有為慶祝生日,之後就沒有再交代展明的情況。到底展明是否真的被殺死?
3. 啤啤與馬季的關係
大結局的上半集,啤啤再與馬季表白,最後以「對唔住」和「我知道」作結。去到下半集,啤啤再度現身,講到明唔捨得走。啤啤是否終於與馬季有發展空間?
4. 佩玲成為下一代魔?
佩玲在醫院遇見莊醫生,離開時眼睛變成紅色,到底她將會成為新的紅眼魔人,抑或是肚入面的是魔胎?是否只要懂得種植黑鼠尾草,就有機會成為魔?
5. 最後出現的是豪仔、石敢當還是魔?
最後一幕馬季在的士上遇到一位神秘人,到底是馬季所言的豪仔、石敢當重現還是魔的化身?
而最大的疑團應該是馬季的身世,雖然在第十幾集介紹了金剛與小儀的馬季的親生父母,明明是出身於平凡家庭,但點解會有能力成為降魔的士司機?
來源:《降魔的》擷圖