余文樂今日突然在IG上載一張黑白色的婚照,宣佈結婚。
近年樂仔可謂事業愛情兩得意,去年憑電影《一念無明》首度獲提名角逐影帝殊榮,而他亦接戲接到手軟,單是2017年就有三套作品《春嬌救志明》、《悟空傳》和《狂獸》出街,由年頭到年尾都見到他的身影。至於感情方面,雖然樂仔過往都不乏緋聞,但公開認愛的對象則少之又少,去年底罕有在IG放閃,寫下「Invincible. The future is bright ❤️」認愛來自台灣的王棠云(Sarah),雖然當時只係背影照,但公開認愛的舉動甜爆網絡,亦可見樂仔早已認定女方地位。
樂仔一向好有眼光,樂嫂Sarah除咗係影視雙棲模特兒。不單止靚,Sarah仲好有家底,係台灣皮帶大王千金,同筍盤樂仔門當戶對。
今年Sarah生日前夕,樂仔就上載了一張牽著女友逛街的照片,寫還下:「Hold ur hand」
隨住樂仔公布喜訊,好友「春嬌」楊千嬅和黃偉文等都在IG送上祝福,千嬅說:「I'm sooooooooooooooo happy for you ... 祝白頭到老,永結同心,早生貴子」Wyman就說:「余生請你指教 ❤️❤️—恭喜余太!」