近年黃牛黨肆虐,本地外地歌手的演唱會都一票難求,每次開售總有一班樂迷抱怨「撳爛F5都買唔到」。終於有歌手正視炒黃牛事件,周國賢於FB公布正跟進疑似黃牛飛,收集證據後會取消資格處理,出盡法寶捉黃牛,引來fans勁讚!
周國賢的「GALACTICA 銀河鉄道之夜」頭幾場門票於10幾分鐘就被秒殺,今次加場故意不作公開發售杜絕黃牛,歌迷需經google表格訂飛訂單,每張訂單均通過二次確認、核對入數多重關卡方能成功確認,投入不少人力物力。
周國賢於FB公布跟黃牛飛檢舉進度,貼出黃牛交易擷圖,講明所有意圖炒賣門票的訂單,周國賢團隊收集證據後,已全部作取消資格處理。請各位留意郵件通知,並配合退款手續,無論是否fans都勁讚周國賢帶頭打擊黃牛,希望更多歌手效法。
來源:周國賢FB