每年音樂頒獎禮，都聽到一眾台前幕後的音樂人慨嘆在香港做廣東歌一點都唔容易。近日就有音樂人在社交網站分享業界實況，填詞人王仲傑上載了一張版稅收入結算表，半年來歌曲在各大串流音樂平台播出，約13萬人次的歌曲收聽率，版稅只得$12.21，自嘲做音樂原來食唔到一餐茶記。
王續指「計法複雜過財爺派錢」，稅收表顯示歌曲曾在JOOX、KKBOX、MOOV、Spotify 等串流音樂平台播放，雖然各個音樂串流平台沒有仔細列明計算方法，但可見超過一萬次的收聽率，都未必為填詞人帶來$1的收入。
王補充除了串流音樂平台上的收入，還有其他渠道如出碟得到收入，但收入一樣係好少，好多人堅持做廣東歌係因為真係好鍾意。
帖文引起不少音樂人的共鳴，香港做音樂甚艱難，由幕前轉到幕後的文恩澄亦貼出自己的稅收表，30萬的收聽率收入有$72.47。
另一創作歌手劉卓軒亦直言「其實做音樂，每一秒仍然能生存必須要感恩」
不少網友都驚訝原來一首歌的收入得咁少，更指「少得咁可憐」。
有網友就建議想支持本地音樂，買碟是最實際，可惜對音樂人來說，現時出碟愈來愈難。
來源：FB@Kit Wong、Rannes Man、Hinry Lau
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
