夏天除咗為大地帶來美腿……唔係，係雨水，今個夏天仲有一齣以史前巨鯊為題材的驚慄新片，唔知大家睇完會唔會怕咗去海灘玩呢？由《狂野時速》系列積遜史達頓(Jason Statham)及近年積極進軍荷里活的內地女星李冰冰主演，《驚天奪寶》系列導演莊泰圖托(Jon Turteltaub)執導，最新科幻動作驚慄片《極悍巨鯊》(The Meg)將於今個暑假。
以鯊魚為題材的電影差不多每隔一兩年都有一部，由經典的《大白鯊》(Jaws)系列，到陸續有向《大白鯊》取材的電影，之後出現形形式式將鯊魚變種的電影，變到識飛上天，喺沙地下、雪山出沒又有，機械鯊、幽靈鯊又有，再唔係同八爪魚混種亦得，不過當中不乏爛片、cult片，前年的《奪命狂鯊》(The Shallows)算是近年成績較好鯊魚電影，收1.19億美元票房。
今次《極悍巨鯊》轉玩絕種史前巨鯊，最新預告已經率先將這隻龐然大物曝光，當牠張開血盆大口，令觀眾甚有壓迫感，不過要令鯊魚電影不淪為爛片，一味靠血漿和渲染鯊魚不合比例的體積，要不是加一兩個沙灘比堅尼美女是不夠的，始終故事鋪排才是重點，能否不失合理，又能勾起觀眾心底裡對深海或求救無援的原始恐懼，就實在考編劇功力，唔知《極悍巨鯊》能否為大家帶來新鮮感，拍出好成績？
故事大綱：
國際海底觀測計劃的一艘深海潛水艇，遭一隻早被認為已滅絕、長75英尺的巨齒鯊襲擊，令船員被困，積遜史達頓飾演的深海救援潛水專家Taylor和李冰冰飾演的中國海洋學家Suyin展開救援，無人能想像的是，原來Taylor多年前便曾遇過這隻可怕的巨物，頓時回憶昔日的恐怖經歷……
《極悍巨鯊》(The Meg)
上映日期：2018年8月9日
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
