正在閱讀
被指暗寸「中國電影論」台下冇反應 黃秋生FB開腔回應

被指暗寸「中國電影論」台下冇反應 黃秋生FB開腔回應

2018.04.16

第37屆金像獎已經完滿結束,昨晚黃秋生擔任頒發最佳編劇前的致詞就被網友like爆,指他暗寸成龍「中國電影論」夠guts,不過由於頒獎禮是現場直播,當攝影機影到台下的觀眾、電影同行時,似乎無人夠膽畀反應,氣氛相當尷尬。今日秋生於Facebook開腔回應。

昨晚秋生的致詞提到:「寫劇本有兩個元素,一個係出人意表,一個係情理之中,意料之外,例如出年仲有冇香港電影呢,呢個出人意表,你估唔到,情理之中意料之外就係我哋年年都有香港電影,好合理啦!」當秋生發表完致詞,鏡頭帶到台下觀眾,大部份都表情僵硬,無人敢畀反應。

【金像獎2018相關文章】

古仔、毛姐大熱封帝后!金像獎2018完整得獎名單

古仔被邀開金口唱歌!重溫2018金像獎5個亮點

【2018金像獎前夕】首次角逐影帝 鄭中基:輕鬆過做司儀!

 

秋生今日在Facebook回應:「尋晚台下冇反應,係我講得唔好,表達能力不足啫,同佢哋無關嘅。」他沒有為致詞對象是否指向「中國電影論」正面解話,對於觀眾沒有反應,他就謙虛表示只是自己表達能力問題,即是大家明就明,唔明就唔明啦。

杜汶澤亦有在秋生的帖文下留言,引用終身成就獎得主楚原昨晚的金句:「管他世上萬千事,閒來輕笑兩三聲。」力撐秋生無須理會他人目光,只管做自己。

 

來源:黃秋生Facebook

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠