《宮心計2深宮計》播出以來充滿話題，究竟TVB經典宮廷劇再拍新一輯會點呢？相信劇情入戲肉就會有答案。不過肯定的是，今次劇集都頗多蝦碌事，先有未能在內地上架，後有演員化妝崩壞！
到底發生甚麼事？較早前就有人留意到飾演妃嬪額上的印記，疑似是TVB最新植入廣告技倆。
皆因在片頭見到胡定欣頭上的「花鈿」，竟與內地手機品牌極為相似。
網民發現後，即刻惡搞成偽華為廣告。不少網民見到都覺得十足十在賣廣告！
不過「花鈿」其實早在南朝已經出現，是古代女性的妝容之一，更可反映女性的內在性格及皇宮地位。
其實第一輯《宮心計》早已有「花鈿」的出現，所以與華為撞Logo一事，沒有半點抄襲之嫌，而且有歷史根據。
除了頭上「花鈿」有話題性，演員的妝容其實都有討論空間。
首先是陳煒，望見她雙眉便會覺得有霸氣，因為她的兩邊眉尾的翹起。其餘妃嬪都沒有，唯獨煒哥！
可想而知煒哥今次戲份超重，力竭聲嘶情節，很大程度由她獨力擔當，從兩條眉得知她城府極深。
條眉好唔好睇，能否感受威嚴就見仁見智。
不過胡定欣的眉似乎有點崩壞！
皆因第三集開始，見到胡定欣有高低眉的情況出現，起初以為她有面部表情，眉頭郁動不足為奇。
可是她與馬明對望那場戲，即見到瑕疵。
胡定欣的妝確實有高低眉出現，情況頗為尷尬，未知是否化妝師手誤呢？
圖片：香港花生友Facebook群組、《宮心計2深宮計》影片截圖、華為官網
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
