除夕狂歡過後，可能個個人都歸心似箭，不過等車還是要有秩序守規矩，有網友在Facebook分享除夕夜搭小巴遇上野蠻普通話大媽打尖，雖然大媽聲夾惡，但小巴全車乘客都相當團結，合力擊退打尖大媽，而今日網友竟重遇大媽，事件發展竟然似足《愛回家》般相當有愛！
昨日有網友在Facebook分享除夕夜睇完戲等小巴返屋企，當時有約4、50人等緊車，怎料一名大媽突然從暗角殺出打尖，後面排隊的乘客當然立即投訴，小巴司機睇唔過眼，大聲向大媽說：「排隊呀！」不過大媽以普通話回應：「我有呀。」厚面皮程度令人咋舌，然而司機沒有就此讓步，反而激動表示：「望住你打尖啦，後面排緊咁多人你見唔到㗎？呢度係香港，唔係大陸，落返去排隊啦！」
此時，大媽不落車不特止，更衝去嘟八達通兼搵位坐，不過司機未驚過，即刻熄匙，表示大媽不落車，司機就不開車，雖然大媽賴死唔走，但全車乘客都團結地叫她落車。擾攘多時，排隊人龍越來越長，有人開始提議報警。
此時，一位乘客突然搶去大媽的手機，衝落車之後放在地上，大媽一時反應不過來，要在落車執手機和搭小巴之間做決定，雖然她站在車門樓梯嘗試執手機，不過始終執唔到，她更發難：「把手機還給我！」乘客就當然不賣她帳，叫她自己落車執。最後大媽被逼落車，她離開小巴一刻，司機立車關門開車。
不少網友看到此事，都大讚小巴司機和乘客夠團結，而且正義感十足，又指如果香港人經常都如此團結就有救。
原來事件還有下集，網友今日凌晨再分享重遇同一位大媽和小巴司機，不過今次大媽得到教訓，有乖乖排隊，而面對守規矩的大媽，司機都即時以禮相待，更對大媽說；「我係想叫你唔使嘟卡，上次你畀咗錢，我諗住今次唔收錢喇，我唔係話你唔排隊呀！」網友就笑言事件發展十足《愛回家》情節，相當有愛。
來源：FB@哈弟Hadee－我由乜乜徒步到乜乜
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
