正在閱讀
【iPhone教學】iPhone慳位技巧全面睇 3招輕鬆為手機省儲存空間

【iPhone教學】iPhone慳位技巧全面睇 3招輕鬆為手機省儲存空間

2019.01.07

無論買了幾大容量蘋果iPhone手機到最後都因累積了一定數量的相片、應用程式或者影片而令手機的可用容量愈來愈少,今次就教大家3大技巧可以幫Apple iPhone慳位,多相多片的朋友仔記得學低呢啲iPhone手機慳位技巧啦。

刪除未使用應用程式

有時手機沒有容量時好多人都會想刪除應用程式,不過好多時因為怕刪除應用程式後會沒冇所有遊戲記錄,所以刪除前都要思前想後。

不過使用「卸載未使用的App」的方法就沒有這個問題,iOS可以幫大家在不刪除應用程式中的資料而「卸載」應用程式,分分鐘可以慳到10GB以上!

首先打開設定,再按「一般」

之後再選擇「iPhone儲存空間」,再啟用「卸載未使用App」就得啦。

啟用後可以見到已用儲存空間即由119GB降至107GB,足足慳了12GB。

不要保留拍照原圖

好多人都喜歡在影相的時候影多啲,然後再慢慢揀,但如果在拍攝HDR相片時同時保留原圖的話,所用的空間則會更多,所以下次大家可以取消同時保留原圖。

首先打開設定,選擇「相機」

之後再關閉「保留正常相片」功能,咁就可以減少浪費更多不必要的容量啦。

改變影片畫質

比較新的iPhone大部分都支援拍攝4K影片,雖然4K影片畫面確實會比較靚,但所佔的容量亦會隨之增加。而當有時候其實產電視或電腦屏幕不能支援到4K影片時,拍攝的畫面亦不可能完全地呈現。想慳位的可以將影片畫質變成1080p或720p,咁就可以更慳位。

在「設定」選擇「相機」

再按「錄製影片」,將影片改為1080p或720p

大家快啲學低呢啲技巧為iPhone慳位!

圖片來源:Apple


 

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠