林盛斌今年已經40歲，踏入人生另一個階段的他，事業有成也是圈中的隱形富豪，早前遷入九龍塘3層豪宅，C君拜訪後都覺得好震撼。Bob早前分享成功致富之道，希望可以鼓勵在職年青人。
雖然阿Bob身兼多職，又做主持、司儀、演員及老闆，但能夠捱到今天實在不易。他坦言入行時捱過不少苦，由新城電台營業部推銷員做起，他寫道：「我人生第一份工，就係喺電台做Sales。當年我嘅銷售成績，今日回想返，算唔錯，由起初底薪六七千蚊，只係短短半年時間，到我離職嘅時候差唔多出緊六七萬一個月，以一個啱啱大學畢業出嚟做嘢嘅死靚仔嚟講，直頭係好似人生大贏家咁！」
點擊圖片放大
對於成功之道，他有另一番見解：「點解我可以做到？因為我好明白一個道理：我唔係打緊一份工，我係經營緊我嘅生意，如果你只係當一份工，你得到嘅只係人工。如果你當係自己生意，你得到嘅就係利潤同回報。」
點擊圖片放大
阿Bob又認為工作態度決定一切：「當你好重視你盤生意，覺得間公司你都有份嘅時候，你嘅目標、你嘅心態、你嘅想法、你嘅行為，同『只係當自己打份工』會有好大嘅分別。而呢個分別，經過一段日子，就會帶嚟好唔同嘅結果。」所以他希望以自己經歷鼓勵一眾打工仔，只要有心都可以踏上成功之路。
圖：IG@林盛斌
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
