應對新冠肺炎，要做好個人衛生，成日都要洗手，洗手，洗手！或者使用酒精搓手液，然而經常洗手及使用酒精搓手液會令雙手變得乾燥，只搽Hand Cream亦不足夠滋潤雙手。以下5個自製極簡單Hand Mask，材料簡單，保持衛生同時不妨試試天然護手！
Mask 1~蛋黃+蜂蜜
蜂蜜除了能夠使用，還具有滋潤護膚功效，首先將蛋黃同蛋白分開，把一大匙蜂蜜加入蛋黃並拌勻，然後塗勻在手上。靜待15-20分鐘，用清水沖淨雙手，再塗上潤手霜，雙手即時變得滋潤！
Mask 2~蛋白+檸檬
檸檬有效去角質及美白皮膚，加入蛋白即可變成美白Hand Mask！將檸檬切半，榨取檸檬汁，再加入剩下的蛋白拌均，塗滿雙手，等待15-20分鐘，待手部有繃緊的感覺，然後洗淨雙手並塗上潤手霜，完成！
Mask 3~化妝水
早晚洗面後要使用的化妝水，亦可以化身成Hand Mask材料，先取出質地比較強韌的紙巾，將化妝水沾濕紙巾，把紙巾全面覆蓋雙手再套上膠袋，稍微按扁膠袋貼服於手上，用膠紙在手腕位封口，待10-15分鐘後拆除手膜，最後塗上一層潤手霜，以鎖住水分。
Mask 4~牛奶
牛奶有美白滋潤功效，即使過期的牛奶，亦可變成Hand Mask。將面膜紙或化妝紙浸入牛奶，敷在手上。包好後等10-15分鐘，拆走面膜紙，以溫水洗淨雙手，即可使雙手變得白滑。
Mask 5~潤手霜+凡士林
如果覺得一般潤手霜不夠滋潤，可加多一層凡士林變成Hand Mask，首先塗2-3層普通潤手霜，再塗上一層較厚的凡士林，套上即棄透明膠手套後，再套上棉手套或以毛巾包著雙手，待最少半小時，亦可戴著手膜睡覺，打開後雙手會變得非常滋潤幼滑。
▼即睇更多健康資訊▼
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
