助養兒童照片被踢爆重複突然逆齡又變老 捐款者感受騙:同一本書睇3年都未完

文: Ling Kwok
2021.02.01

有不少熱心人士都會選擇助養來幫助第三世界得不到溫飽的兒童,可是近日有位捐款者自覺被騙,就在網上分享機構每年傳送給她的被助養兒童的照片,發覺有幾張照片重複,然後該兒童又突然回春,令她感到被人呃咗。

該名捐款者在Facebook分享自己疑被騙的經歷,她於2016年開始透過宣明會在埃塞俄比亞助養兒童,其後每年收到該兒童的照片,最初都不以為然,可是近來收到最新近照,於是再找回過去幾年的舊照,發現自己疑似被騙。

她指最初兩年的照片是一模一樣,直到2018年卻忽然長大了不少。不過下一年又忽然回春,變了第二位助養兒童,而近期收到的照片又與2018年一樣,而她形容:「衫、樹,連睇緊本書都係同一版 睇三年都未睇完。」覺得自己被騙,想投訴時卻又過了辦公時間。

而後來香港世界宣明會回應傳媒時表示,承認發生有關事件,已知悉助養者投訴,捐助服務部現正聯絡助養者跟進;又指香港辦事處於2018和2019年發出的電郵,邀請助養者填寫生日祝福予助養兒童,當時未有附上助養兒童的最新照片,可能令助養者疑惑。至於2019年的兒童進度報告,就是由宣明會埃塞俄比亞辦事處直接寄出。香港辦事處已就以上2點,向埃塞俄比亞辦事處跟進助養兒童的近照和情況,有消息會盡快通知助養者。宣明會對今次有關助養兒童的相片處理,對助養者造成混淆,衷心向助養者致歉,稱會作出檢討。

來源:Facebook、hket、宣明會

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓