吳若希拍Youtube放閃實則用4招玩殘老公 Jinny現火爆性情極速變臉對丈夫咆哮

文: Ling Kwok
2021.02.11

因為疫情關係,藝人靠出席活動的收入大減,於是紛紛轉場到Youtube,希望能開出新財路。就好似28歲人妻吳若希,近日她終於有第一條Youtube短片,目的就是與老公Alex保持夫妻關係和睦,就要玩Say Yes Challenge,就是老公咩都要答應。

雖然吳若希孖住老公拍片,睇落好似放閃,但之前Jinny就被指經常在社交平台公審老公Alex,這條片或有異曲同工之妙。

吳若希使出四大招數「玩老公」,首先就幫老公剪鼻毛及擠暗瘡,老公Alex就無奈配合,當被擠暗瘡時好痛,Alex大叫唔好,吳若希即刻大叫:「冇得Say No呀今日!」、「今日我話事呀,嚟咩啫你!」,Jinny見到老公有鼻屎,就直言:「啲夫妻開YouTube Channel明明好鬼Sweet,唔明點解你......」老公就話:「咁你幫我撩埋鼻屎囉!」

其後,吳若希要老公再現多年前的「公主抱」,老公花一點力抱起Jinny,但吳若希又要老公轉完一個又一個圈,要求多多。

後來吳若希叫老公揀做掌上壓或仰臥起坐,老公揀了後者,但Jinny假民主替老公揀做掌上壓。Alex做的時候,吳若希又不斷騷擾對方,老公做到攰時,Jinny起勢扯起對方件衫,場面好尷尬。

最後就係做家務,連Jinny細佬Carson都玩埋一份,叫姐夫幫手洗碗。不過Alex竟然在床上打機,在老婆的獅吼之下,Alex都屈服求其吸吓塵交功課。Jinny途中又突然問老公:「我肥唔肥呀?」Alex就答:「肥!」Jinny聽到即瞪大隻眼,Alex就好認真話:「你話All Day Yes嘛!」搞到老婆哭笑不得。

雖然吳若希展現了火爆真性情,又對老公咆哮,但網民卻十分鍾意這個系列,話睇到哭笑不得!

圖:youtube@吳若希

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓