【比得兔2】暖男爸爸陳豪教仔易心軟靠陳茵媺苦口婆心 廿四孝父親森美用一個絕招收服仔女聽話

2021.06.20

祝天下各位爸爸「父親節快樂」!圈中有兩位好爸爸陳豪和森美,最近就為動畫改編卡通電影《比得兔2:走佬日記》配音,分別聲演賓仔同埋主角比得,更坦然做了父親後,聲演親子戲場面更加容易被觸動。兩人這次再度合作除了默契十足之外,談到育兒之道的心得,兩位廿四孝父親各自都有不同的感受。

講起小朋友的頑皮趣事,陳豪就話自己三個小朋友好少惡作劇,算係好乖,唔會特別曳,最多就是小朋友在放學回來家中,打開道門後喜歡靜悄悄找到爸爸陳豪。尤其是二仔,陳豪就會配合二仔,看着他以為爸爸不知道他已經放學回來。陳豪就形容這樣好像小時候玩捉迷藏一樣,作為爸爸跟子女這樣的玩樂時間非常甜蜜。

夫妻之間照顧小朋友需要緊密溝通,互相依賴。問到陳豪有沒有試過在老婆陳茵媺面前,講過小朋友太頑皮之旅的壞話。陳豪就話自己好少complain(投訴)細路仔,通常一來就是束手無策的情況,會向老婆求救:「搞唔掂啊,你嚟你嚟」,似乎暖男爸爸陳豪容易心軟,要由老婆出面苦口婆心地教導三個仔女。

至於森美的兩個孩子就是青少年的年紀,其中仔仔就去了英國讀書。問到森美如何加緊維繫遠在英國的仔仔時,森美就話不外乎都是打電話聊天和傳送訊息關心彼此。不過,森美就有個小投訴,話仔仔「成日唔知去咗邊」,好像沒有了蹤影,因此森美就採用了一個絕招,就是經濟封鎖!先不要讓仔仔有無限花費的零用錢,可以讓他的花光的時候,自己主動打電話回來給爸爸,森美更笑言這一招是「玩弄於股掌之中」。

森美在鏡頭前搞笑形象深入民心,私底下又會否是一位嚴厲的父親呢?森美就直認「對自己要求好高,對小朋友要求都高」,更強調一個宗旨,就是「要求子女對自己要求高」,「做事不能求求其其,對自己有要求就會成功,就算能力上做不到都無所謂,但不能毫無要求」。好一句金石良言,森美就話:「最重要就是要自己對自己有要求」,相信會令子女終身受用。

 

圖及來源:訪問、IG@森美、陳豪、陳茵媺


立刻訂閱Telegram優惠頻道:

IAN 陳卓賢 @嚴選《調教你MIRROR》最辛辣片段!

↓即睇免費獨家足本專訪↓

即睇免費獨家足本專訪

U Lifestyle App限時搶!逢星期三3PM大派現金券!

↓↓ 約定您入App搶 ↓↓

約定您入App搶

評語

獨家優惠

輕掃查看其他優惠