黑灰色做單位主要用色似乎係一個潮流，打破暗沉死板印象，只要配襯得宜，反而令人更放鬆、舒適。今次介紹的是 438 呎新居屋單位，原一房間隔的清水樓都有常見的開門見廁問題，屋主將廚廁對調，再將部分牆身拆除，並重建廁所出人口，趁機向外移以擴闊室內空間。至於原本廁所位置就改建開放式廚房，配有中島，可使用的空間比原則梗廚更多更實用。
中島枱面、廁所門木板顏色正好平衡單位的冰冷感覺。
蝸居甚麼都細。廁所想有齊浸缸、企缸都真係幾有難度！屋主就在日本選購廁具，貪有多個細尺寸選擇，fit 位之外，仲慳唔少！因為計埋運費的總價錢還平過在香港買！
廁所水泥灰色牆身配以淺木色，Raw 得嚟隱約有種日式侘寂感覺。
位置原是偏廳，由於飯廳由中島取替，騰出的空間就間出衣帽間，而向門方向的牆身就做成展示櫃，不浪費任何一個收納空間。
不少人都怕收納空間外露，因為經常望到，如果執得唔整齊就會感覺好亂。這單位就相反，雖然見得晒，但反而成了沉實客廳重要的點綴。
儲物、展示櫃放於同一邊，形形色色的收藏好似一幅特色牆。
書房收藏量極強！每個角落都是收納空間，連枱底、門側、門頂都唔放過！
睡房就在廚房側，用地台、玻璃門間出。由於地台已經有一定高度，所以床架都揀矮身的，視覺上望落冇一級級，同時保留與天花的距離。
【Info】
裝修公司：達龍裝修工程有限公司
電話：6826 0671（吳師傅）
裝修支出表：
裝修工程費用 共約 $200,000
廁具、潔具 共約$80,000
傢俬燈飾 共約$150,000
－－－－－－－－－－
總數 約$430,000
text│Priscilla
Photo│Him
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
