蘇民峰2022虎年運程 生肖豬、鼠、牛 率先睇!

文: U Magazine
2021.11.18

【有請師傅】終於等到蘇師傅講12生肖虎年運程喇!今次率先睇最後三個生肖:豬、鼠、牛!
寒命人︰出生於西曆8月8日後3月6日前。運程由2022開始至2027年逐步上升
熱命人︰出生於西曆5月6日後8月8日前。運程由2022至2027年逐步下降
平命人︰出生於西曆3月6日後5月6日前。運程由2022至2027年逐步下降

屬豬(生於1947年、1959年、1971年、1983年、1995年、2007年、2019年)

吉星:歲合、福星、天德
凶星:劫煞、卷舌、絞煞
財運:排第5位
桃花:排第4位

屬豬嘅你今年唔錯,因為虎年屬豬係太歲相合,「合」︰人緣好、各方面較穩定。
今年無論係感情、住屋或者事業都比較穩定。但穩定唔一定係好㗎,但因為今年有,吉星「歲合」、「福德」、「天德」,
「歲合」︰太歲相合
「福星」︰貴人星、得貴人扶助
「天德」︰逢凶化吉、能化凶星之力
又有人緣運、又有貴人星、又有逢凶化吉嘅星,今年就OK㗎喇!

凶星有「劫煞」、「卷舌」,
「劫煞」:因朋友而破財
千祈唔好借錢或者做擔保,借錢最多冇得還,擔保就容易上身啦!
「卷舌」︰容易嗌交

但係今年人緣好可能只係同人嘈兩句,冇乜特別嚴重問題出現。而運氣方面雖然唔錯,但都要分返寒命熱命同平命人。

平命熱命人(生於春夏天)︰宜守不宜攻,始終去到2021年嘅運氣就停頓。
寒命人(生於秋冬天)︰運氣日增月盛,2022-27年係你嘅好運年。尤其係2025、2026、2027呢三年就更進一步喇!

屬鼠(生於1948年、1960年、1972年、1984年、1996年、2008年、2020年)

吉星:無
凶星:天狗、弔客、災煞
財運:排第9位
桃花:排第9位

屬鼠嘅你今年麻麻哋,因為2021年「太歲相合」,今年就無乜特別,因為今年無乜外來助力,不過無外來助力都唔緊要,樣樣靠自己、親力親為。

所以屬鼠嘅你就唔好諗有咩貴人星或者特別小人星。因為凶星都冇喎!
因凶星只有「天狗」、「弔客」、「災煞」,屬不太嚴重嘅凶星。

所以屬鼠嘅你完全冇外來助力,運氣好依然好、運氣差依然差,咁點知你係屬於運氣好定差呢?
如果你係生於3月6日後8月8日之前,因為你係平命熱命人,金水對你有利,2022至2027係木火流年,所以今年係木火流年嘅第一年,所以今年之後,

平命熱命人(生於春夏天)︰宜守不宜攻
寒命人(生於秋冬天)︰木火流年有利、特別是2025至2027年
如果你生於8月8日之後3月6日之前,因為係寒命人,2022至2027年,木火流年對你哋特別有利。

而今年屬鼠係驛馬年,表示旅行、搬屋、周圍去
每逢虎年都係屬鼠嘅驛馬年,有遷移外出變化之作,而家未必有得去旅行,但都好可能周圍去,搬屋或者周圍行下山都好。所以屬鼠嘅你今年唯一特別就係驛馬年,其他所有嘢都冇乜特別。

屬牛(生於1949年、1961年、1973年、1985年、1997年、2009年、2021年)

吉星:紅鸞、陌越
凶星:病符、吞陷、寡宿、天煞
財運:排第3位
桃花:排第1位

屬牛嘅你要特別留意,因為2021年「犯太歲」未犯完,因為每年會延遲,將延遲至2022年4月5日,故易有悲觀負面情緒。
但犯太歲唔一定衰,牛年要留意返牛年,如果你係結咗婚或者懷孕嘅話,就「一喜擋三災、無喜心情壞」;如果你係分咗手咁你要特別留意,因為,桃花排第1名,今年係你哋嘅紅鸞桃花年︰即易有結婚、認識新桃花機會!

如果2021年「犯太歲」認識異性又或者分咗手,嚟到2022年,今年就唔錯喇!即使結咗婚好耐,有穩定感情都好啦!

吉星有「紅鸞」、「陌越」,
「紅鸞」︰人緣好、間接對事業有幫助
「陌越」︰地位提升、有進步
所以今年桃花星人緣星都唔錯㗎!

凶星有「病符」,
「病符」︰小疾病

但2022年點病都無2021年咁差,2021年牛、龍、羊、狗呢四個生肖腸胃比較差、特別容易肚屙,嚟到2022年身體各方面轉好!即使你生於3月6日之後8月8日之前運氣開始下降,

平命熱命人(生於春夏天)︰得桃花星之助提高一線、減慢下降速度
如果你係生於8月8日之後3月6日之前,舊年「犯太歲」今年紅鸞桃花年加埋運氣慢慢轉變,轉好嘅機會突然會嚟得比較快,所以屬牛嘅你,
寒命人(生於秋冬天)︰有新機會可放膽嘗試
即使你係春夏天出世運氣減慢咗都唔太差,秋冬天出世嘅會更進一步,運氣可以延續到2027年。

記住寒命人今年好運到2027年!

(影片及資料提供:蘇民峰師傅)

【INFO】

蘇民峰 2022虎年運程
售價:72港元

銷售地點:各大商務印書館、三聯書店、中華書局、便利店 、書報攤及一本「萬里店中店」

同場加映:



用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓