TVB《東張西望》早前報道了聾啞女子美華因為爸爸死去而被女保安娟姐霸咗層樓，因而無家可歸一事，引來廣泛關注。不過，事件出現了戲劇性大反轉，女保安娟姐突然知衰，既交出門匙予美華，又跪低道歉乞求原諒，但就辯稱因為之前自己飽受情緒病困擾，又畀屋企人鬧到反省過，於是邀美華入屋以後一齊住，厚面皮兼無賴行為令人咋舌。而事件最新發展到牽涉一位社工陳姑娘，令美華遲遲未可爭回業權。
事件最新發展到美華已經有社工跟進及有政府部門提供住宿及法律援助，不過就需要時間安排約見，才能夠盡快提供協助。而這一位「香港聾人福利促進會」社工陳姑娘現在全權負責美華個案的一切事務，由於美華簽下了授權書，於是美華不能再找其他律師處理個案。節目中訪問街坊就形容陳姑娘指女保安其實好好人，又協助美華找了房署，有可能被安排輪候上公屋。不過錢屋輪候顯然需時，加上法援排期諮詢時間冗長，相信美華短時間內仍未能取回業權。
即睇娟姐「聲淚俱下」的無賴實錄：
《東張西望》早前報道聾啞女子美華被搶樓兼被迫露宿的慘況，令不少觀眾深表同情。事件近日就出現戲劇性大反轉， 本來聲大夾惡的女保安娟姐態度突然180度大改變，苦苦哀求美華返屋企住，但係美華拒絕入屋，於是又向美華鞠躬道歉， 又乞求原諒：「 唔好意思呀我同你哋講聲啦，我今次真係做到好錯，做到都唔係人做嘅嘢」， 並願意主動交出單位鎖匙。
娟姐對著鏡頭雙膝跪下，而且雙手合十道歉：「我求求你啦，俾個機會我啦」 但美華顯然並不接受。娟姐一哭二跪的行為，為求美華翻屋企一齊住，又將自己和美華比喻成屋企兩條金魚，聲稱可以相親相愛，代美華亡父照顧美華；娟姐的態度突變卻仍難滅全城怒火，不知到底娟姐居心叵測。
據早前《東張西望》的報導，身為關鍵人物的霸樓女保安阿娟接受訪問之餘，亦願與美華當面對質。不過，阿娟最後因理虧而惱羞成怒，再次趕走美華令佢露宿家門前。
女保安娟姐咄咄逼人，接連發脾氣，橫蠻無理大鬧：「你係咪惹嬲我？你係咪惹嬲我？你係咪惹嬲我？」 冇人性的行為令許多觀眾震怒。
圖及來源：節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
