上門睇風水!師傅話你知 開放式住宅有乜唔好 西斜屋難聚財?廚房見廁影響健康+租屋注意事項

2021.12.20

依家唔少屋企都係開放式(studio flat)設計,比較靈活運用有限的室內空間。但喺風水角度,原來隱藏唔少問題。今次師傅睇嘅呢個單位,仲有西斜、廚房見廁及橫樑壓頂等等問題,究竟可以點樣化解呢?不如睇下師傅點講啦!

今次師傅上門睇嘅單位,原則係兩房一廳單位,業主改成開放式住宅,再出租畀今次個案嘅租戶。開放式住宅睇落好似幾好用,但原來喺風水角度暗藏唔少問題:嚴重嘅仲有機會人財兩空!

除此之外,呢間屋仲要西斜、開門見窗、廚房見廁、橫樑壓頂等等,最大件事係廚房仲有水火相沖以及火燒天門問題,輕則影響夫妻和睦,重則會影事業同健康。依家等師傅逐一出招化解啦!

開放式住宅難聚財、影響感情

師傅表示,因為房間是最好的私人空間,當然有牆有門的房間會比較好。而今次呢間開放式單位,會令事主難以聚財及感情方面有所影響。

師傅提供解決方法:因為係租屋關係,最好的方法,就係用高身櫃間房當牆。實用之餘亦可減輕影響,仲可以解決埋開門見窗問題。

室內陽光太猛 難聚財!

呢個單位位置西斜,加上開放式設計。因為陽光太猛烈,如照射到睡床位置時,會出現「陽抗」問題,意指是陽光過份充足,令到屋主聚不到財。

師傅提供解決方法:一般情況會建議,選擇設計兩層窗簾,一層遮光效果較好的窗簾,另一層是普通窗簾(如窗紗),目的係不會令屋企太昏暗,陽光又不會太光猛。睡醒起床時,打開窗簾,讓陽光照射入屋,到差不多出門時,才把窗簾拉上。

窗外見醫院、學校及警署又會點呢?

風水學上分為巒頭及理氣:理氣,是看不到,需要經過計算的;而巒頭,是看到的東西。如果,在窗外看到學校,問題並不大。但如果看到醫院或警署的話,就唔太好,因為醫院及警署本身帶有煞氣。但,要看看住宅本身的座向,才知對戶主有甚麼影響。

另外,還要注意,例如看到高塔或電塔,會容易惹起火災。以前的古書會說火災「回祿之災」,但這個年代較少有火災,比較容易出現燙傷的問題。

橫樑壓頂 身體容易出現麻痺情況

當如果整個人睡在橫樑下,是沒那麼嚴重的。但如果只壓到半邊身,容易半邊身的手腳發麻或者半身出現病痛問題。但,要視乎壓到身體那個部份。壓到頭部,會經常頭痛;壓到腳,就會容易出現意外及腳痛問題。

師傅提供解決方法:因為屬於住宅結構性問題,最好就是造假天花,如果想用其他方法,用風水用品去化解,其實是比較困難的。

廚房見廁 影響家人健康

因為廁所係解穢氣的地方,如果經常在解穢氣的地方出入,基本是不好的,會影響家人健康。

師傅提供解決方法:最簡單的解決方法,就是將廁所門關上。

灶頭出現水火相沖

除咗廚房見廁所,廚房灶頭位置,亦出現水火沖情況,夫妻容易為小事爭吵。影響女主人健康,若未婚女性,感情則易無疾而終。

師傅提供解決方法:在煮食爐旁,放水種植物。

廚房於西北方 出現火燒天門問題

對男戶主的身體及事業都會有好大影響。師傅提醒,租樓或置業時,火燒天門的屋,一定不能選擇。

師傅提供解決方法:找一隻方形碟,在上面擺放8粒白石春(要較圓身,不要起角)放在灶底化解。



【info】
Facebook:羅雲龍玄學工作室
玄學預約: 6876 3689 

text/Theo
photo/Ricky

全新功能《優惠日曆》登場!

↓即刻入App睇盡即日/未來7日Chill抵優惠↓

即刻入App睇盡即日/未來7日Chill抵優惠

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

相關文章

獨家優惠

輕掃查看其他優惠

【超市優惠】消委會格價網一次睇勻6大超市售價+優惠+跌價!百佳/惠康/萬寧/屈臣氏/AEON/大昌
APP獨家
【超市優惠】消委會格價網一次睇勻6大超市售價+優惠+跌價!百佳/惠康/萬寧/屈臣氏/AEON/大昌
【虎年運程2022】雲文子12生肖虎年財運+事業運勢!屬虎:聽信內幕易破財/屬蛇:轉工機會微
APP獨家
【虎年運程2022】雲文子12生肖虎年財運+事業運勢!屬虎:聽信內幕易破財/屬蛇:轉工機會微
【團體相教學】5大搞笑團體相拍照教學 一大班朋友外出時拍照留念 好笑又好玩!
APP獨家
【團體相教學】5大搞笑團體相拍照教學 一大班朋友外出時拍照留念 好笑又好玩!