潘栢炫師傅教路!2022 虎年風水佈局 三煞位動土招大病 + 切忌倒轉「福」字 + 大門向北擺藍地氈

2022.02.06

新一年、新開始、新運勢!踏入虎年間屋都要搞搞去!我哋今年請咗潘栢炫師傅教大家點擺虎年風水陣,趨吉避凶,仲有新年擺設小貼士㖭。跨界風水師潘栢炫師傅具逾15年研究風水命理經驗,擅長八字、奇門遁甲、佈置商業及家居風水,長期為香港《晴報》、《開心月報》撰寫風水命理文章。一於睇吓今年有咩新年風水要注意先!

Q1:新手唔知屋企東南西北有咩辦法?
大家如果係第一次聽風水或者唔係好知自己屋企東南西北嘅話可以用師傅教嘅簡單 DIY 方法。第一步先搵屋企中心點:無論你向住邊面企,個指南針都會根據正確方向指正。第二步就係搵大門方位:假設大家企咗喺屋企中心點、開咗指南針,指住門口方向係北,咁就知道屋企大門屬於北方,根據呢個方法你就可以搵返相應嘅東南西北。

Q2:咩係「流年飛星風水」局啊?
「流年飛星風水」就好似一啲能量咁,每一年都會去唔同嘅地方,好似一啲氣場會轉換,有時有啲氣場會好啲,有時可能冇咁好,所以每一年都會有氣場嘅更換。

Q3︰虎年有無方位係唔搞得㗎?
唔好搞佢即唔好動土、突然揼釘、掛畫甚至唔好裝修,其實就係減少負面因素影響。有時氣場就好似瞓着咗嘅好人或者壞人,如果你郁動佢就會叫醒一啲唔好嘅能量起身,引嚟一連串嘅負面問題,可能係病、破財甚至家嘈屋閉。
1. 正北位 = 桃花位 = 三煞位
「三煞位」負能量較多,如果你喺嗰個位置郁動,就會將一啲唔好嘅能量叫醒左,唔好嘅能量叫醒左會點?成年咪俾佢煩住咗囉!

2. 東北位 = 太歲位
切忌太歲頭上動土,所以今年千祈唔好喺東北位置動土。如果你屋企東北位喺廁所或者廚房,今年想換煮食爐或者熱水爐就可能要等多一年先至換喇!因為換爐、將家具拆除或重新安裝呢啲都叫動土。

3. 西南位 = 二剋位
「二剋位」係病位,尤其不利女性,若你不慎郁動或裝修二剋位,家中女性成員好易會有身體不適。

3大新年佈置屋企小貼士
1. 鮮花 vs 假花
我哋一般嚟講都鍾意擺鮮花多啲,因為鮮花有生命力、能帶動好氣場。乾花始終係一啲人造花或者已死嘅花,欠缺生命力,唔係唔擺得,但唔好擺咁多。所以如果你問我真係想用花嚟催旺姻緣、感情或者帶嚟一啲生氣,真花嘅能量永遠係會好過保鮮花或者假花。

2. 貼揮春方法
唔知係邊一啲年份開始,有啲人就會將個「福」字調轉嚟貼,玩食字寓意「福到」。如果話食字,「福到」即「禍至」,所以師傅建議大家將個「福」字打返正貼,因為食字有雙重意義唔係好合理。

第二就係「出入平安」喇!一般嚟講「出入平安」會貼喺門兩邊或者門匾,當然要視乎你度門同天花板嘅高度。如果可以嘅話師傅建議貼喺門匾,因為貼兩邊可能會郁動到佢,貼喺門匾就比較舒服同對稱少少。

3. 地氈顏色
地氈係任何屋企最容易接受同擺到嘅風水物品,只要喺大門外擺啱地氈就可以減低壞氣場同時催旺好氣場。辦法同樣簡單:先搵大門方位,不同方位對應不同顏色,例如你屋企正北方喺門口,就可以擺張藍色地氈喺門外。大家如果有興趣嘅話可以參考以下師傅做俾大家圖,有齊八個唔同方位嘅顏色組合㗎喇。

同場加映【2022虎年風水佈局 買NFT靠催旺正南位、脫單要擺音樂盒】



【INFO】
潘栢炫師傅
facebook:問問師父

Text / Yuen
Photo/ Him、Dizzy

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章