潘栢炫師傅教路!2022虎年風水佈局 買NFT靠催旺正南位 + 脫單要擺音樂盒

2022.02.05

新一年、新開始、新運勢!踏入虎年間屋都要搞搞佢!我哋今年請咗潘栢炫師傅教大家點擺虎年風水陣,趨吉避凶,時下流行NFT、比特幣等,究竟點擺先可以催旺財位?單身想出pool,原來對應位置擺音樂盒可以幫到手,仲有讀書考試嘅朋友仔,邊個位最利文昌呢?即睇潘師傅一一解答!

跨界風水師—潘栢炫
- 逾 15 年研究風水命理經驗
- 擅長八字、奇門遁甲、佈置商業及家居風水
- 長期為香港《晴報》、《開心月報》撰寫風水命理文章

西北位 = 官祿位 
第一個位置打工嘅朋友要記住喇!如果想升職就要催旺個西北位。因為喺2022年西北位我哋叫「六白」,即升職位、官祿位、論功行賞位。如果你做得好就會得到老闆嘅賞識或公司的重視。建議擺放讀過嘅 MBA 或唔同科目嘅證書、印章或獎項等。因為我哋取其意催旺返個官祿宮位置,希望可以令你事業更上一層樓。但係如果你話:「唔緊要㗎,我工作唔係重點,最緊要唔好比老闆見到。」咁你就唔好做任何嘢,因為你催旺呢個位置緊隨而來係應該會多咗嘢做㗎!


正北位 = 桃花位
桃花位並非單純指拍拖或者感情,同時代表貴人位。如果正北位能量好而你又用得着嘅話即代表今年好多人會視你為朋友。建議擺放會發聲嘅物品,因為桃花位本身帶「水」,風水學上「金生水」,「金」代表會響嘅物件,例如風鈴和音樂盒。


東北位 = 財位
催旺財位前首先要問吓自己主要財富來源係咩,香港嘅朋友大部份都係打工賺取薪金,唔會突然有嚿金或者錢跌落嚟。所以呢個財位通常特別有利佣金行業、自僱人士、老闆等。「八白 」屬土,只要擺8粒白色石頭就可以催旺。有啲朋友會問點解擺咗都唔覺多咗錢嘅?都係果句,最緊要分清財富來源,如果係做緊固定薪金工作嘅朋友你可能要問問自己,係咪要升咗職或者轉工催旺咗官祿位先再催旺財位喇!


正南位 = 喜慶位 = 投資位
正南位有「九紫火」,好簡單解釋嚟緊叫「九運」,即未來主人翁,亦叫投資,因為你投資緊未來嘅東西。如果你係鍾意投資、股票、Bitcoin、炒賣等,呢個位置非常有利。建議擺放植物,因為傳統風水學上「木生火」,植物代表木,咁就可以坐旺「九紫火」喇。另外,風水學上 4 和 9 係好朋友,擺放 4 盆或 4 枝植物可帶動「九紫火」。


東南位 = 文昌位
文昌位特別有利吸收同學習,如果你屋企有小朋友嘅話,催旺呢個位置可以令佢哋讀書考試叻啲。但如果你小朋友大咗甚至未有小朋友咁文昌位咪好浪費?唔係嘅,其實文昌星唔係只限小朋友,因為成人世界入面都好多嘢要學習。建議擺放書本或知識相關嘅材料,另亦可擺四枝富貴竹加水。


【INFO】
潘栢炫師傅
facebook:問問師父

Text / Yuen
Photo/ Him、Dizzy

========

同場加映:

【蝸居睇樓團】師傅教路!2022 虎年風水佈局 三煞位動土招大病+切忌倒轉「福」字+大門向北擺藍地氈

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓【免費睇】全港打卡Cafe攻略2022!↓

↓40間本地假日地區Cafe精選/拍攝技巧↓

40間本地假日地區Cafe精選/拍攝技巧

評語

相關文章