網路熱話:無良租客拖租兩年,業主可以點做?

文: U Magazine
2022.02.10

做租客慘,但原來業主遇上厚面皮又無頼嘅租客,情況都好坎坷!喺連登討論區,就有業主話因為自己之前兩年離港工作,但個租客竟然拖足兩年唔交租!而家唔知點算好而出Post求救,睇吓大家有乜解救方法!

淋油、斷水、斷電、換鎖,真係得?!
樓主指自己「呢兩年都唔係香港,追唔到個租客交租,依家成兩年無交租,又唔肯搬走,一直拖到依家都係唔肯搬走同交租,想問下各位ching有無經驗點做?」,仲試過「有叫過屋企人幫手上去追租,但係次次條友都用藉口拖!」,「但係睇過下啲法例,業主係無權趕佢走!」完全無晒辦法之下,緊急向網民求救!

樓主指租客兩年無交租,又唔肯搬走,點知點算,出post求救!

當然有網民好興奮响喺度食花生,提出「淋自己屋企油有無得諗!」、「用個地址借大耳窿」、「斷水斷電」、「知佢幾時出街咪換鎖、再dum埋佢啲嘢走」、「影相招街招」、「我屋企以前都試過、貼晒大頭街招、去個人做野嗰度唱佢、最後整爛晒我地間屋之後,終於走咗!」、「我個人建議千其唔好做犯法嘢、叫你搵南亞人送吓外賣上去!」

有網民食花生,提議不如淋油同影相貼街招唱衰拖租租客。

又有人建議不如斷水斷電,迫租客搬走。

循法律途徑解決
最搞笑係有網民「自告奮勇」,「免我兩年租,我幫你搞掂佢!」、「你試下出懸紅,邊個搞得掂嘅,嗰兩年租就歸邊個,包你下個月有樓收」、「樓主重有無樓出租?想嚟緊十年八載唔交租」。但亦有網民認為要循法律途徑解決,「搵香港業主會幫手,專對付租霸」、「搵律師,完!」、「土地審裁處、搞完啲程序搵執達吏收樓」。

不過聰明嘅網民就發現呢件事有破綻!「唔交租,點會法律程序搞唔掂佢,樓主唔好講啲唔啲喎!」、「你租畀人個層樓真係按香港法律出租?、「可補打厘印,不過要罰錢好似由入紙到收樓需時三四個月,不過你話兩年無交租都唔入紙收樓,好懷疑呢個post真確性!」

有理智網民認為都係應該循法律途徑解決。

亦有網民憑蛛絲馬跡,覺得樓主所講嘅出租單位,可能唔係合法出租單位。

text/Joyce
photo/HKET圖片庫

========

同場加映

【蝸居睇樓團】2022虎年風水佈局 買NFT靠催旺正南位、脫單要擺音樂盒

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓