財政預算案派糖 租金扣稅上限10萬 9成按揭貸款樓價上限1千萬

文: U Magazine
2022.02.24

財政司司長陳茂波啱啱發表咗新一年度財政預算案2022,當中令大家有啲「苦中一點甜」感覺嘅, 就係無論對有物業揸手嘅業主,抑或租屋住嘅租客,都有派糖紓困措施,究竟詳情係點呢?

租金扣稅  上限10萬元
對於租緊屋住嘅市民,最興奮就係聽到陳茂波建議,由2022/23課稅年度起,設立住宅租金開支扣除,以減輕屬於「無殼族」嘅薪俸稅同個人入息課稅納稅人,租住私人物業嘅負擔,每個課稅年度嘅扣除上限為10萬元,不過對於一啲已擁有物業但又同時租用他人物業嘅人士,則不適用於上述住宅租金開支扣稅。預計喺今年第二季將有關條例草案提交立法會審議。

租客可以享有最高10萬元嘅租金扣稅。

寬減物業四季差餉
陳茂波亦建議,為住宅和非住宅物業寬減2022/23年4季差餉。對於住宅,首兩季以每戶每季1,500元為上限,其後兩季則減至每戶每季1,000元為上限,涉及299萬個住宅物業,總款達117億元。

至於非住宅差餉方面,亦可獲4季寬減,首兩季以每戶每季5,000元為上限,其後兩季則減至每戶每季上限2,000元,估計涉及43萬個非住宅單位,政府收入將減少34億元。

對於擁有住宅物業嘅業主,未來一年有機會享有最高5,000元嘅差餉寬減。

放寬按揭貸款樓價上限
財政預算案亦建議放寬按揭上限,可申請最高8成按揭貸款嘅樓價上限,由1,000萬元提升至1,200萬元;而首次置業人士可申請最高9成按揭貸款嘅樓價上限,將會由現時嘅800萬元,增至1,000萬元。

財政預算案亦建議放寬按揭上限,最高8成按揭貸款嘅樓價上限,由1,000萬元提升至1,200萬元。

1,000元電費補貼 
財政預算案亦提出為每個合資格電力住宅用戶戶口提供1,000元嘅電費補貼,這項措施將涉及約28億元嘅開支,約280萬個住宅用戶將可受惠。

電費都會有1,000元補貼。

98,000個一手住宅單位落成
至於私營房屋單位供應方面,預計未來3至4年一手私人住宅單位潛在供應量達98,000個,為近年新高;而政府已覓得足夠土地,提供超過17,000個過渡性房屋單位,現時已有約2,300個單位正在營運,另外約4,200百個單位正動工興建,預計在今年落成啓用。

預計未來3至4年,會有約98,000個私人一手住宅單位落成。

text/Joyce
photo/HKET圖片庫

========

同場加映

【蝸居睇樓團】觀塘自置公屋工業風+現代感 : 紅磚特色牆、輕奢風浴廁

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓