AK、Alton@MIRROR打頭陣開展三月無間斷派歌 首度推合唱新歌《REBOUND》MV正式面世!

文: 羅志宏
2022.03.03

MIRROR成員近期密密派新歌攻樂壇,繼二月的Ian、Jeremy、Anson Lo後,來到三月就由人氣成員Anson Kong江熚生AK推出與Alton的全新合唱歌《REBOUND》,亦是單飛成員AK於今年的首支派台作品,歌曲將於3月3日正式推出,MV於同日晚上推出。

AK與Alton首度推出二人合唱歌《REBOUND》,據知歌曲MV更邀到不同歌手參與拍攝,包括MIRROR成員Lokman和Frankie、C AllStar成員陳健安、洪嘉豪、陳穎欣Yanny、麗英、四人樂隊ONE PROMISE、五人樂隊Nowhere Boys等,而歌曲將大玩強勁節拍,是一首令樂迷瘋狂彈跳的歌曲。

繼去年的〈虎度門〉後,Anson Kong@MIRROR(AK)今次夥拍另一位MIRROR成員Alton推出合唱歌〈REBOUND〉,用搞笑的方法大談身為偶像的自我修養,而MV中,AK與Alton身處Party之中玩到醉爆兼跳落泳池唱到濕身,轉頭又有超級跑車穿插畫面之間,令MV極盡視聽之娛,也為樂迷帶來連環驚喜。

今次〈REBOUND〉由王雙駿作曲、Oscar填詞,Alton負責填寫Rap的部份。眾人是先做音樂底,所以AK與Alton一早已知編曲帶點Funk的味道,既澎湃又帶點跳脫好玩,於是乎Music Break部份Alton便建議跳Popping。Alton道:「本身Funk同Popping密不可分,所以我大膽提出。其實MIRROR〈Ignited〉都有呢種偏向,但團歌唔可以只顧一、兩個人嘅口味,今次兩個人貪玩啲,彈性又大啲,所以大家會見到我哋喺MV跳Popping。」

音樂與舞蹈方面都以好玩角度出發,MV自然也要夠Fun! AK與Alton於是便想到MV以Party呈現,並以倒敘形式講述AK與Alton醉爆醒來,忘卻前一晚發生何事,慢慢倒帶,才醒起開P玩到忘形更跳到泳池裡。

MV在2月期間拍攝,二人要落水拍攝,Alton笑言:「自從經歷拍攝電視劇〈i.SWIM〉後,2月落水都唔係咩新鮮事,入過少林寺就係入過少林寺,我冇問題呀!只要懷住一股勇氣,就可以解決所有問題。」至於AK則道:「我屋企個浴缸冇咁深,好難事先練習,夾硬都會解決到呢件事嘅!」在疫情嚴峻的日子裡,AK與Alton都希望瘋狂的MV情節為樂迷帶來點點歡樂,片刻忘憂。


即睇Anson Kong 江熚生 Alton Wong 王智德《Rebound》MV:

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓