記者實試5大咖啡渣用處 去污+除臭 仲可以用咖啡渣打蠟?!

文: U Magazine
2022.03.24

唔講唔知原來咖啡渣嘅用途超廣,今次就先實測5大用法,記者Serena實測完都開始默默儲低咖啡渣,物盡其用之餘,重點係無論係清潔上、去異味上嘅效果都好好啊!即刻學下點活用咖啡渣啦!

沖完咖啡剩低嘅咖啡渣,千祈唔好掉咗佢啊!今日就教咗你5大利用咖啡渣方法,睇完你都可能會同我一樣默默儲低咖啡渣啊!

方法一:除臭去濕
只要將咖啡渣放入茶袋或咖啡濾紙,即可整成咖啡渣包。如果怕咖啡渣漏出來,可以加多一層茶袋或濾紙。

只要放在鞋入面擺過夜,就可以去除異味,同吸走濕氣。
呢個方法亦適用於衣櫃、鞋櫃等容易受潮而產生異味的地方。

方法二:除臭
煮食時處理完食物令雙手有朕難聞氣味,如洋蔥、蟹、榴槤等,有時用梘液洗手都未能完全去除異味!只要將手放入咖啡渣,搓揉幾下再用水洗淨,就可以輕易去除異味。不過壞處係咖啡渣較易攝入手指甲隙,又要花些時間清潔,所以較唔方便,但去除異味的效果十分好!

方法三:去油污

咖啡渣含有活碳及油脂可以吸附污漬,加水混和能製成天然清潔劑,去除污垢。

只要先將海綿沾上咖啡渣混合物,便能輕鬆清除廚具上的油污,於咖啡渣水中加入少許清潔劑,效果更好。磁磚、洗碗槽、爐頭都適用。

方法四:保養木家具

先將亞麻籽油及咖啡渣混合成膏狀

於木家具上塗上混合物,再放置一段時間,便能修復木製傢俬表面的刮痕,同時達到打蠟效果,為家具添加一層保護油,延長木製家具壽命。


方法五:植物施肥
將已曬乾嘅咖啡渣同泥土混合,放置三個月,經分解後便能提供營養給植物。注意必需要將咖啡渣曬乾先好用啊,否則會令盆栽加速枯萎、死亡㗎!


text/serena
photo/ken

 

========

同場加映

【蝸居睇樓團】435呎將軍澳舊居屋翻新!打造船上feel/衣帽間+儲物二合為一

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓