樓下阿婆煲燶嘢出事!消防上門救火爆錯門 可以搵邊個賠償?

文: U Magazine
2022.05.11

大家都唔想屋企遇到火警,但原來家居火警嘅「誤會」,可以引起無妄之災!有網民喺連登討論區發帖代鄰居求救,話消防員上門處理一單住宅濃煙事件時,誤以為鄰居係出事單位,鄰居慘被爆錯門……咁而家,鄰居究竟可以搵邊個賠償返損失呢?

事情係咁的:樓主有鄰居報警話有濃煙,而看更就指有煙嘅係A單位,而剛好消防員到場時檢查過幾層樓嘅單位時,A單位又真係有煙滲出嚟,於是消防員就爆門而入……但點知濃煙原來唔關A單位事,而係樓下另一單位有阿婆煲燶嘢!揭發到「真兇」嘅原因,係因為呢位阿婆偷偷地將煲燶嘢嘅煲扔去後樓梯,咁啱畀消防員捉到……

樓主就幫獨居阿伯鄰居A求救:而家道爛門可以搵邊位賠償:管理處?定樓下位阿婆?而據講已經問過阿婆家人,佢哋認為係應該搵返消防處負責……

樓主樓下阿婆煲燶嘢冒濃煙,但獨居阿伯鄰居A就慘被消防員以為係出事單位而被爆錯門。

自己換咗門先,再Claim保險
對於呢個「騎呢不幸事件」責任誰屬,網民都有好多意見,但認為點都要換咗道門先:「自己換咗道門先,留起啲單據,影晒相,再慢慢拆!其實三方都有責任,首先一定係阿婆唔啱先;其次,管理處又亂X咁up,佢責無旁貸;最後,消防雖然係信錯人,但佢都算係專業人仕,咁都唔識自己判斷,佢都難逃責任!」、「依啲好可能自己畀,真係算個戶主唔好彩!你要搞,咪民事叫阿婆賠返!消防真誠相信果度有火警危險,係法律上拯救生命/財產,係抗辯理由嚟,唔會搞到佢!」

有網民覺得可以試吓要消防處出返報告,再去Claim保險:「搵消防,總之消防有做就可以搵佢拎返資料,搵保障賠」、「話定畀你聽,消防一定冇法律責任先,但有責任出report畀返當事人/保險公司」、「啊婆都唔會追到,佢只係話自己無,唔係話你個單位出事,所以只可以怪管理處無睇清楚就畀消防爆。窗外有煙就應該消防+管理處Confirm單位先爆,Confirm錯咗,我覺得消防都有問題,雖然你唔可以告到佢!」、「問題係當事人屋企無任何事發生,消防判斷錯誤可能有得追究」、「搵消防,叫佢出返個report畀你先,交代返成個行動,之後拎去畀保險啦!」

當然亦有食花生網民,主張「報復式」行動:「火險冇,就民事訴訟告X呀婆!使得多過換門」、「你搵日等阿婆唔喺屋企,話佢單位有屍臭味,報警搵人爆返佢門」。

有網民認為點都係自己換返道大門先,保留返單據,再去Claim家居保險。

亦有網民認為可以問返消防處拿取有關事件報告,再去Claim保險。

text/Joyce
photo/HKET圖片庫
========
同場加映
【蝸居睇樓團】東涌250呎單身男型格蝸居|黑灰調Open Kitchen

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓