荃灣西海旁20年屎味惡臭 海之戀、全城匯業主去信特首 要求解決

文: U Magazine
2022.05.12

近年荃灣西有大量新盤入伙,仲有大型商場同日落景色好靚嘅荃灣海濱公園,真係休閒打卡好去處!不過去過荃灣西嘅大家,有無發現海邊傳嚟陣陣狀似屎味嘅惡臭呢?好多荃灣老街坊就話呢陣屎味,其實已經存在咗近20年!究竟荃灣西海濱,發生咗乜嘢事呢?

臭到嗅覺退化!
如果未去過荃灣西,可以先睇吓網民嘅感受:「一出地鐵站就聞到屎味……」、「臭到嗅覺退化」、「我覺得最勁係足球場個位……」、「我係海旁行了一轉,啲屎味臭到頂唔順想嘔。公平啲講,啲臭味一陣陣,非一直。同理公園至海旁中段勁,似乎同風向有關。」、「個啲唔係屎味,係硫化氫。心曠神怡!」

不過亦有居民話唔覺得有問題:「無,荃西居民話唔臭!」,立刻有網民反駁:「唔係掛,臭到呢……完全唔會想喺嗰度跑步等休閑活動,怕會中毒!」更有網民將事件提昇到風水層面:「風水來講,這個叫味煞,買樓大忌,對健康非常不好!」

唔少荃灣居民都認為海邊傳嚟嘅惡臭,極像屎味。

有網民甚至覺得臭味到達想嘔嘅地步。

荃灣私樓污水渠駁錯咗落雨水渠!
原來荃灣西呢個臭海問題,已經存在咗近20年!早於2005年,政府已成立由環保署、渠務署、屋宇署等組成嘅跨部門工作小組,處理呢個問題,而環保署於2010年完成《西九龍及荃灣污水收集整體計劃檢討》指出問題,應該係荃灣區有私人樓宇嘅污水渠,錯誤接駁至雨水收集系統,結果導致污水連同雨水排出大海。而去年5月,荃灣西沿海7個屋苑、包括全城匯及海之戀等嘅業主,曾經以荃灣沿海屋苑法團/業委會聯會名義,去信畀特首林鄭月娥,要求政府盡快解決問題。

經過政府部門調查,呢個歷時已有約20年嘅臭海問題,係源自荃灣區有舊樓將污水渠駁錯咗落雨水渠,然後污水跟雨水排出海。

開多幾間臭豆腐店以臭攻臭?!
對於可以點解決呢個「歷史臭海」問題,網民都好無奈,不過都好努力咁提出建議:「我建議係荃灣西海旁興建臭豆腐小食店,以臭攻臭,希望可以緩和噁心感」、「解決方法得一個:將荃灣市中心啲雨水渠封咗去。因為我親身睇住啲食肆將餿水倒落雨水渠果度。」、「污水渠駁到亂晒籠,除非清拆晒所有舊樓重新接駁,否則無得搞。」、「要挖起晒海邊啲泥」、「填埋個海?」、「搵日叫全荃西人唔好屙屎駁返正佢!團結就是力量!」

荃灣居民都明白短期內問題都未必能解決,惟有阿Q咁諗:開返幾間臭豆腐店喺海邊,以臭攻臭!

text/Joyce
photo/HKET圖片庫

========
同場加映
【蝸居睇樓團】東涌250呎單身男型格蝸居|黑灰調Open Kitchen

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓