網民熱議:點解有錢都唔買私樓?住公屋有乜咁吸引?

文: U Magazine
2022.05.23

雖然好多香港人嘅儲錢目標,都係希望買樓上車,但亦有不少公屋住戶,明明已經有經濟能力置業,卻仍然安於住公屋!有網民就喺香港討論區度發帖,問:「點解有錢都仲要住公屋?」,惹嚟網民熱烈討論!

就係因為住公屋,所以先儲到錢!
樓主好感慨咁話:「既然你有條件,點解唔住好啲?你賺錢都係為咗生活水平更高,你唔想住得更好咩?點解唔住豪宅要住公屋?眼見有啲人會買跑車會買靚錶名牌袋,有能力買豪宅但情願住公屋」,有網民好心水清咁講出住公屋同理財嘅關係:「唔住公屋邊有錢?!」、「有錢人識計數,香港啲樓根本唔值咁貴,情願住公屋,周圍去遊山玩水,何必畀層樓困住?!」、「一個字~~~抵!」、「就係住公屋先開始揸靚車,你去望吓公共屋邨果啲停車場先啦!死慳死抵咁供樓定係住公屋開心生活?!」

有網民應為其實就係因為住公屋,住屋方面支出少,所以先儲到錢,甚至可以將錢用喺其他生活享受上,何必要買樓綁死自己?!

網民講笑話如果細心觀察公屋停車場,其實有唔少名車!

唔使管理費、房署包維修
至於住公屋嘅好處,網民逐一數來,原來真係幾多:「因為公屋買嘢食嘢去邊,都方便過豪宅」、「公屋都不知幾好住,華富仲全海景」、「公屋不用畀管理費,差餉又平,分分鐘仲有免租,正呀喂!」、「住公屋果種爽法你唔會明㗎啦!尤其係新嘅市區公屋如南昌,海景新樓,地點勝同區豪宅!」、「有得住我都想住公屋,本來租金已經平,仲有1、2個月免租,唔使差餉地租,唔使管理費,又唔使擔心維修保養,何況新落成公屋條件一啲都唔差。」、「平靚正囉,住公屋真係人上人來的,咩都唔使煩,又平,有啲仲好好風景,抽到公屋真係人生勝利組……」

住公屋好處之一,購物及交通等生活配套方便。

部分公屋,其實景觀不輪蝕於豪宅,例如華富邨,就係出名景靚風水好嘅屋邨。

住公屋不單唔使畀管理費,好多網民認為住私樓嘅管理費,已經隨時貴過公屋租金。

公屋好多維修問題,都可以搵返房署負責,唔使自己煩,都係一大優點。

text/Joyce
photo/HKET圖片庫
========
同場加映
【蝸居睇樓團】日系簡約風4口親子之家 | 日劇場景feel飯廳 | 複式子供部屋

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓