鄭欣宜演唱會2022|獲教主貼心抹汗Joyce少女式尖叫:喂呀! ERROR唱《愛回家主題曲》超驚喜

文: 王庭芝
2022.06.10

歌手鄭欣宜(Joyce)今晚起舉行一連三場紅館演唱會《AIA 呈獻 “Between Us” 鄭欣宜演唱會2022》,大唱多首代表作兼大騷舞藝,首場驚喜嘉賓已經請來MIRROR人氣成員「教主」盧瀚霆(Anson Lo)及男團ERROR,教主誠意十足,自攜多名dancers唱跳新歌《King Kong》,令全場氣氛升溫,而ERROR貫徹鬼馬作風,竟然與Joyce合唱《愛回家》主題曲,認真估你唔到!

鄭欣宜(Joyce)一連三場紅館演唱會《AIA 呈獻 “Between Us” 鄭欣宜演唱會2022》今晚(10日)起揭開序幕,早前特地減肥,積極備戰個唱的Joyce以最佳狀態示人,大唱多首代表作之餘亦大騷舞技。

首場驚喜嘉賓已經請來MIRROR人氣成員「教主」盧瀚霆(Anson Lo),兩人今年將於亞博合作商台《神の拉闊音樂會》,如今率先在紅館熱身,Anson Lo與Joyce邊合唱《不可愛教主》邊從升降台緩緩現身,即令粉絲尖叫不斷。其後於談話環節,教主又貼心地為Joyce抹汗,Joyce即時露出少女冧樣,高呼:「喂呀!你搞到我無晒形象,頭先我好型㗎!」教主表示這晚相當感動,因為覺得Joyce做到自己想做的事,他又形容同Joyce一齊在台上的時刻好似「Pillow talk」,令Joyce第二次發出少女尖叫「喂呀」,當Joyce問到教主有無帶禮物來,教主說:「我個人就係一份禮物。」Joyce三度少女式撒嬌:「喂呀!」相信台下粉絲都唔恨得咁多!

隨後,Joyce將舞台交給Anson Lo,他就帶同多位dnacers「踩場」,獻唱新歌《King Kong》,粉絲尖叫震撼整個紅館!

除了Anson Lo,這晚嘉賓還有ERROR,四子竟與Joyce合唱其入屋代表作《愛回家》主題曲《擁抱愛》,認真估你唔到!唱完《擁抱愛》,四子即時大大力擁抱Joyce,又送上印有他們肖像的四季T恤給Joyce,寓意春夏秋冬都能擁抱Joyce,令Joyce不斷發出「Oh my god」的感嘆。

 

來源:IG@zaina_sze、IG@mavissssss、IG@ansonlht、IG@berniceliuofficial、IG@k_p0k1

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓