鄭欣宜演唱會2022|尾場與許廷鏗深情對唱《好好戀愛》唔過電 憶述7年前紅館之約相擁而泣

文: 王庭芝
2022.06.13

鄭欣宜(Joyce)一連三場紅館個唱《AIA 呈獻 “Between Us” 鄭欣宜演唱會2022》昨晚圓滿結束,一向感性的Joyce忍了兩晚,來到尾場終於眼淚缺堤,和摯友許廷鏗(Alfred)憶起7年前一同立志紅館開騷即感性落淚,唱《先哭為敬》前真正「先哭為敬」,其後粉絲唔願走,兩度嗌encore才正式完場。

尾場有不少圈中人前來睇騷支持包括張敬軒、MIRROR隊長Lokman、女團COLLAR等,最後一晚嘉賓有Joyce的「異父異母低能巨孖寶」許廷鏗,他先與Joyce合唱《好好戀愛》,原本想上演深情對望戲碼,可是一秒破功笑場,兩人自嘲「唔夠專業」,Joyce就吩咐Alfred幫自己抹汗,隨後再手拖手合唱《半份關心》。

之後Alfred說到兩人互相見證過對方的高高低低,對Joyce給予肯定,他又送上自己的黑膠唱片封面試版,背面有兩人2015年底合照的手繪畫,他憶述當年兩人還未上過紅館開騷,但相約有朝一日要達成這個目標,Alfred說:「我哋今日做到。」兩人即相擁而泣,攬足30秒,場面感動,Alfred又對觀眾說:「她是值得被愛的香港歌手!」

Joyce這晚唱最後一首《先哭為敬》前果然「先哭」,她感謝粉絲支持:「喺一個有更多選擇的年代你哋都揀我,我覺得人生好奇妙。」又她表示即使2021年得到好好成績,但她知道自己仍未滿足,有更多東西想學想做,她仍會拿出更多法寶回饋大家,之後她強忍淚水為大家唱歌再緩緩離場。隨後全場觀眾都熱烈大叫encore,她就換上便服再次登場唱出劇集《畢打自己人》主題曲《無人完美》,令粉絲回憶返晒嚟,唱完呢首粉絲都唔願走,第二度嗌encoreJoyce再度出場,而全場觀眾都對Joyce比心心,Joyce就唱埋《配角》後至正式完場。

 

來源:寰亞娛樂

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓