近日有的士司機於Facebook群組分享於新界金錢村遇上一位認知患障礙、撐住拐杖的婆婆乘客，聲稱要睇醫生，然而一直說不出地址，但的士司機願意慢慢開住車等婆婆想地址，車程上聆聽婆婆的故事，最後司機一個舉動備受網民讚爆！
原post表示該名婆婆撐着拐杖揮手截車，上車後，司機問她要去哪裡，可是婆婆只能說出自己要去看醫生，但說不出地址，司機就安慰婆婆：「唔緊要我慢慢開，你慢慢諗清楚！」司機又不斷說一些區內多診所的地標，嘗試幫助婆婆記憶。
►App《U TV》專區超過50個自家製節目任睇
擾攘幾分鐘後，婆婆終於想起目的地是賽馬會診所，不過心水清的司機就說：「賽馬會診所應該要預約喎，同埋星期六下晝應該無醫生睇喎！你真係確定？」然而婆婆都不確定，司機就回應：「咁我即管送你去賽馬會診所睇下啦，我會等埋你真係有醫生睇先開車走。其實你應該叫屋企人陪你去睇醫生吖嘛！」
怎料此話觸及婆婆傷心處，她用平淡語氣表示自己有三個仔一個媳婦，可是他們花光婆婆的錢後就不再理她，司機聽後都不知道可以如何安慰，只好默默駕車。到了賽馬會診所門口，婆婆又說：「司機車我返去啦，我真係唔記得要去邊度睇醫生呀！」司機見診所的確無開，遂載婆婆返回金錢村。
婆婆下車時，的士錶價為60幾元，司機叫婆婆慢慢攞齊嘢落車，又說不收婆婆的車錢，當請婆婆食生果，不過婆婆都心存感激給了司機20元。原post中，司機最後感慨表示：「望住佢篤住拐杖佝僂嘅背影，一陣心酸湧上心頭！希望阿婆嘅仔女並唔係阿婆所講咁不孝，祇係阿婆少少認知障礙嘅幻覺！」
的士司機暖心的舉動獲網民大讚，有人留言：「能賺錢當然開心，能幫人更美。」、「我對樓主衷心致敬，人人都會老，或許有人會為咗幾十蚊斤斤計較，相信好多行家唔會，並非係交唔交租嘅問題，而係人品問題。」、「你呢啲咪行業典範，有總數一半嘅司機係你咁，香港人對的士既態度會180度改變。」
原文如下：
網民點講：
來源：FB@的士司機資訊網 Taxi
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
