馬鞍吹襲|落波打工仔趕返工地鐵巴士站逼爆 網民湧入天文台FB鬧爆處理更改風球方法含糊

文: 黃卓瑩
2022.08.25

隨著馬鞍逐漸遠離香港,天文台已於今早(25日)9時20分改發三號強風信號,意味住打工仔要陸續出門返工。不少公司都要求員工需在數小時內返回工作崗位,但受外圍雨帶影響多區仍然橫風橫雨,大量網民湧入天文台Facebook訴苦水,批評更改颱風信號的處理方式。

天文台昨晚(24日)7時25分改發8號波,之後表示「至少維持至今早(25日)6時」,凌晨3時左右表示會在「早上9時前維持」;凌晨5時左右宣布「考慮在上午9時至11時之間改發3號強風信號」;早上7時許,天文台預告「早上9時至11時改發3號強風信號」;再到了8時許宣布「即將改發3號強風信號」;最後在9時20分正式掛3號波。

►App《U TV》專區超過50個自家製節目任睇

大量網民湧入天文台Facebook鬧爆處理方式好差,「以往都有講預計幾點掛3號,今次9點前講9至11內掛,9點話即將,突然09:20改掛3號,點解唔跟番以前做法,早點講一個實質時間改掛呢?」、「成日講時間範圍,講個實質時間真係咁難?」、「9am - 11am 落波然後9:20直接落波?10am 取個平衡都唔得?」打工仔紛紛批評難以預備時間上班。

有人又表示部分地區仍然橫風橫雨,又未有小巴、多區準備上演「動物大遷徙」,質疑天文台有否考慮市民安全。不過也有人表示天文台只是根據數據做事,部分公司上班機制與颱風信號掛鈎,才會導致大塞車,認為天文台只是做本分。

圖及來源:FB@香港天文台、FB@屯門公路塞車關注組、FB@將軍澳主場


 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓