石塑地板又平又舒服?地磚夠防水又好睇? 網民熱議:屋企地下用石塑地板定地磚較好?

文: U Magazine
2022.08.30

喺裝修上,可能未必會有太多人考慮到屋企地下嘅用料或者設計,但其實屋企地下用料選擇亦都係一門學問!最近就有網民喺連登討論區上發帖,表示自己屋企新裝修,正糾結喺地下嘅用料上應該選擇石塑地板定係地磚會比較好,因而詢問網民意見,一眾網民都熱烈參與討論,紛紛提出自己對屋企地下用料選擇嘅意見!

地磚好睇兼防水好?但觸感又凍又硬?

樓主發帖詢問一眾網民屋企地下使用石塑地板定係地磚會比較好,有網民就認為地磚係較好嘅選擇:「哽(梗)係用磚啦,磚係最好既(嘅)地板物料」、「一定係磚」、「一勞永逸唔想煩=磚」、「我覺得木紋磚好好喎,又好睇又好打理,又唔似以前果(嗰)D(啲)四四方方款」,亦有網民認為地磚防水功能較出色:「如果你有養狗,磚好d(啲),D(啲)尿唔會滲落去」、「論防水功能磚始終係最好,廚房廁所係用磚,廳房係石塑,呢啲無庸置疑啦,加上磚可以燒到唔同pattern、唔同design,木地板石塑來來去去都係木質感,唔係個個都鍾意屋企成間木屋咁」

但有網民就認為使用地磚感覺又凍又硬:「又硬又凍又掃口又貴,跌嘢落地必碎無疑,好心香港得幾百尺豆腐潤就唔好學鬼佬用地磚」、「磚太硬,有小朋友同老人家都唔太好」、「磚除咗方便懶人真係唔覺有咩好,又硬又冰冷,冬天落床由腳底凍到入心,仆一下又爆晒缸,細個實木地成個人向後仆都冇穿冇爛,磚樓上樓下冷氣溫差大又易有凝水,積水仆一仆又係死得」,更有網民認為地磚貴之餘隔音亦差:「香港人比人洗左(咗)腦,貴等於好,砌磚佬貴一貴都比(畀),問題磚真係唔知有咩好,腳感極差又硬,隔音又廢」

有網民認為地磚係最好的地板物料,防水功能較佳之餘亦相對美觀。

但有網民就認為地磚價錢較貴,使用時感覺又凍又硬,對小朋友以及老人家不太適合。

石塑地板又平又易打理?但唔夠美觀?

另外亦有網民建議樓主使用石塑地板,原因係較平之外觸感亦較舒適:「我最近裝修都揀咗用石塑,一來因為平啲,其實對階磚都冇乜好感有咩事木紋磚啲掃口位都係會變黑處理唔到」、「其實唔係平就代表唔好,石塑冇磚咁凍,觸感又軟d(啲),又易打理,冇咁易sip(攝)野(嘢)入邊位,就算價錢一樣都應該揀石塑」、「用咗半年石塑,感覺唔錯,經過半年除咗核突少少踩落都幾舒服,又容易清潔」、「用緊石塑板兩個月,我覺得好好,用到幾耐就難講,質感有少少粗糙感,似冇打蠟既(嘅)木地板」,亦有網民提出如果身體經常接觸地下,更應使用塑地板:「如果經常玩地上接觸遊戲,例如有小朋友,我就真係建議用石塑,但係新果(嗰)種,有12mm厚果(嗰)種」

不過有網民就提出石塑地板會較容易變形以及行過時會有聲音發出:「之前用石塑板真係超級後悔,因為唔係痴(黐)實係地面,個底唔夠平/有虛位踩幾下就炒起,無縫扣一個連一個隔離都開始變形/有裂痕,用木紋膠地板好過」、「住慣硬地磚既(嘅)好難習慣石塑板,初初係會幾過隱(癮),有時行行下會各(咯)一聲,但又發現唔到咩位置發出」,亦有網民認為使用石塑地板觀感較差:「可能我傳統,用石塑依啲好易起得嘅物料會覺得似租屋,唔夠實在,同埋無縫視覺上冇咗立體感,好似痴(黐)咗張貼紙落地咁,唔好睇」,另外有網民就提出若要選擇使用石塑地板,應要有三項條件:「如果樓主有信心搵到一個無問題既師父+地台包平+包唔會買到垃圾貨既(嘅)話,咁可以揀石塑既(嘅)」

有網民認為石塑地板有著價錢便宜、舒適及容易打理等好處,若家中有小朋友更應選擇用石塑地板。

但亦有網民認為石塑地板耐用性不足,容易會有移位以及有聲音等問題出現,觀感上亦比起地磚差。

text/Jonathan
photo/HKET圖片庫

============
同場加映:
【蝸居睇樓團】沙田380呎舊公屋變身日式部屋!3大WFH寫意空間:地台床變儲物櫃、麻雀枱

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓