日本人推10個IKEA必買家品 CP值超高!實用睡房廚房收納

文: U Magazine
2022.08.29

IKEA分店愈開愈多,大家成日都去美食站買嘢食,係咪已經忘記咗IKEA係家品店呢?
今次就介紹下日本網民推介嘅10大IKEA必買嘅實用家品,由辦公室用品、廚房用品至收納家具都有。而最平都係9.9 港元就買到,你哋又有無買過呢?

「BERGENES 手機/平板電腦架」24.9港元
都市人手機不離手,就算上網、講電話時都會MON實部手機,有咗佢就唔洗周圍搵嘢撐起部手機。


竹製嘅手機架好耐用,適用於11吋以下嘅手機及平板電腦,超萬能。

「KYRRE 凳」129.9港元
獨特嘅三腳站立設計,唔用時可以疊起慳返啲位,買多啲都唔怕!

除咗可以當凳坐,仲可以當床頭櫃、茶几!
「BÄSTIS 除塵轆」9.9港元
貓奴一定知道呢樣嘢嘅實用性、重要性。唔洗介紹都知佢好洗好用,仲要咁平真係必買!


「KLOCKREN 萬用蓋 3件套裝」99.9港元/3 件裝
呢個萬用蓋基本上可以蓋住IKEA所售嘅所有鍋具。任何嘢只要蓋上呢個萬用蓋就可以製成真空狀態,延長食物保鮮期。矽膠製嘅蓋同樣可以放入洗碗機清洗,重複使用。

而萬用蓋適用於於煮食爐、焗爐/微波爐、雪櫃及冰箱,加熱雪凍用都得,認真萬用喎!
「DRÖNJÖNS 上牆式貯物架連掛鈎」99.9港元
屋企地方淺窄,唯有向高處及牆身發展。架上有個儲物收納空間,可以放書、重要文件等。下面有磁石板、層架及掛勾等。可以靈活地將雜物分類,將屋企打理得井井有條。

呢個上牆式貯物架最啱放喺玄關位置,將平日出門要帶嘅嘢放晒入去,例如掛鑰匙、放紙巾,臨出門口隨手一拎就走得,慳返唔少時間。

「RISATORP 貯物籃」79.9港元
用鋼製嘅儲物網籃,通風設計特別適合放蔬果,延長蔬果保存期。
另外亦可以放雜物,柔和木色手柄配白色鋼籃嘅低調和諧配色,可以融入唔同風格嘅家居。

「KLOCKIS時鐘/溫度計/鬧鐘/計時器」59.9港元
集時鐘、鬧鐘、溫度計同計時器於一身,手掌般大小,放邊都得!
時鐘操作簡單,四邊形嘅佢每一邊都代表唔同嘅功能,只要轉動時鐘嘅方向就可以切換功能摸式。


「SKUBB 貯物箱」59.9港元
SKUBB系列使用再生聚酯纖維織成嘅布料,換季時就可以派上用場, 貯物箱容量大,扁身設計可以置於床底而不會令衣物封塵。
貯物箱附有把手位,方便喺床底拉出。而且四角有通風網設計,令衣物保持清爽,避免發霉。


「HÄSTHAGE 隔熱墊」39.9港元/2 件裝
隔熱墊使用天然亞麻纖維製成,布料較硬挺,十分耐用。
除咗可以放枱面用,仲可以充當隔墊手套拎起熱煲。
「OSTBIT 杯架」49.9港元
竹製杯架會畀膠製品更耐用,又易打理。

【INFO】
購買點:香港IKEA

text/serena
source/IEKA@official)

============
同場加映:
【蝸居睇樓團】沙田380呎舊公屋變身日式部屋!3大WFH寫意空間:地台床變儲物櫃、麻雀枱

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓